Ижкар-11 °C
4 -тӥ толсур 2020 Удмуртарня
18+

Лулчеберетъя кык юртэз тупатъязы Каракулино ёросын

  • 60
  • 0
Каракулино / Удмуртия
Лулчеберетъя кык юртэз тупатъязы Каракулино ёросын
Туспуктэм: Удмуртиысь тӧролэн но кивалтэтлэн пресс-службазы

Удмуртиысь Каракулино черкогуртын лулчеберетъя но спортъя огъетэз но ёросысь Кулюшево черкогуртын лулчеберетъя юртэз тупатъям бере усьтӥзы. Со сярысь элькун тӧролэн но кивалтэтлэн пресс-службазы ивортӥз.

Ужъёслы оглом 2 миллион манет висъязы, со пӧлысь 1 миллион 200 сюрсэз – федерал коньдэтысь

Каракулиноысь лулчеберетъя но спортъя огъетын ужъёс Владимир Путинэн кичӧлтэм «Культура» йӧскалык ӵектос улсын ортчизы. Лэсьтӥськисьёс юртлэсь пыронзэ выльдӥзы. Ужъюртын 19 кружокъёс, вить калык коллективъёс ужало.

Кулюшевоысь лулчеберетъя юртэз «Единая Россия» партилэн «Культура малой Родины» федерал ӵектосэз улсын тупатъязы: учкисьёслы залысь укноосты воштӥзы, пыронзэ выльдӥзы но шутэтскон висъетысь вӧлдэтсэ юнматӥзы. Лулчеберетъя юртын нылпиослы, егитъёслы но мӧйыослы 12 пӧртэм клубъёс ужало. Отчы 130 адями ветлэ.

Пусъём, Каракулино ёросын партилэн ӵектосэз 2017-тӥ арысен улонэ пыӵатӥське ини. Со дырысен лэсьтӥськисьёс Арзамасцевоысь лулчеберетъя юртысь Калыкъёслэсь эшъяськон центрзэс но Быргындаысь лулчеберетъя но спортъя огъетэз выльдӥзы.

Тодэ вайытом, азьвылгес Сьӧлта ёросысь Кӧпка черкогуртын выль лулчеберет юртэз усьтӥзы



Наверх
Вниз