Ижкар+8 °C
14 коньывуон 2019 Вордӥськон
16+

Пичи Пургаын вордскем ожгарчилэн кивалтэмез улсын Россилэн командаез танк биатлонын вормиз

  • 473
  • 0
Алабино / Россия
Пичи Пургаын вордскем ожгарчилэн кивалтэмез улсын Россилэн командаез танк биатлонын вормиз

Армиослэн калыккуспо шудонъёссы улсын Танк биатлонлэн йылпумъян эстафетаяз вормем Россилэсь командазэ ӵошатсконъёслы Пичи Пургаын вордскем Леонид Петров дасяз. Кунмылэн сборноез ӝоглыкъя рекорд пуктӥз. Со сярысь ужрадлэн сайтаз ивортэмын.

Вань быръён ӵошатсконъёсты ортчыса, финал Россиысь, Белоруссиысь, Казахстанысь но Азербайджанысь командаос потӥзы.

Россилэн сборноез ӝоглыкъя выль рекорд пуктӥз – часкын 84 иськем

24 мишень пӧлысь 21-зэ ворсаса (тужгес умой ыбылон Россилэн сборноез нырысетӥ луиз. Трассаез ортчыны кунысьтымы танкистъёс 1 час 33 минут 20 секунд быдтӥзы. Кыкетӥ инты басьтӥзы белорусъёс – 1 час, 41 минут 19 секунд, Казахстанлэн командаез куинетӥ луиз – 1 час 53 минут 44 секунд.

Пусъём, 2017-тӥ арын Леонид Петров Танк биатлонын ӵошатскись сямын вормиз вал.

ВАТСАН

Армиослэн витетӥ калыккуспо шудонъёссы улсын «Танк биатлон – 2019» вожвылъяськон 3-17 гудырикошконэ Москва улосвылысь Алабиноын «Патриот» паркын ортчизы. Ӵошатсконъёсы Европаысь, Африкаысь, Азиысь но Латин Америкаысь 23 сборнойёс люкаськизы. Нош Шудонъёслэн 32 вожвылъяськонъёсаз 39 кунъёсысь 223 команда пыриське.

Наши партнеры

Наверх
Вниз