Ижкар+11 °C
16 инвожо 2019 Воскресенье
16+

Академ амалэн 30-лэсь ятыр кырӟасьёс пыриськизы «Выль нимъёс» вожвылъяськонэ Удмуртиын

  • 167
  • 0
Ижкар / Удмуртия
Академ амалэн 30-лэсь ятыр кырӟасьёс пыриськизы «Выль нимъёс» вожвылъяськонэ Удмуртиын
Туспуктэм: vk.com (Народное творчество Удмуртии)

Академ амалэн кырӟасьёс пӧлын «Выль нимъёс» II улосвылкуспо вожвылъяськонэ 34 кырӟасьёс пыриськизы. Конкурслэн йылпумъян люкетэз 2-тӥ толсуре Ижкарысь Калык творчествоя элькун юртын ортчиз. Со сярысь ивортодэтъя «Удмуртия» агентстволы ужъюртлэн кивалтӥсезлэн калык творчествоя воштӥсез Вероника Шалаева вераз.

Солэн кылъёсызъя, нырысетӥ конкурсэн ӵошатоно ке, туэ пыриськисьёс тросгес луизы.

Пыриськисьёслэн лыдзы будӥз, география но паськытаз. Пермь шаерысь пыриськисьёс но ми доры вуизы. Быгатонлыксы но котькуд арен будэ
Вероника Шалаева, Калык творчествоя элькун юртлэн кивалтӥсезлэн воштӥсез

Радъясь верамъя, вожвылъяськонлэн йылпумъян люкетаз Удмуртиысь искусствоосъя школаосын дышетскисьёс но крезьгуръя колледжысь студентъёс, озьы ик Чайковскысь крезьгуръя училищеын дышетскисьёс пыриськизы. Нимысьтыз номинация академ амалэн кырӟаны яратӥсьёс понна чакламын, но таяз арын сыӵе быдэстӥсь одӥг гинэ вал, шуиз Вероника Шалаева.

«Выль нимъёс» вожвылъяськонэ пыриськисьёс вашкала ариосты, ӟуч классика романсъёсты, калык кырӟанъёсты, Россиысь крезьгурчиослэсь произведениоссэс, соос пӧлын удмурт кылын но, быдэстӥзы.

Вормисьёсты арлыдзыя люкем группаосын бырйизы. Нырысетӥ степенё лауреатъёс луизы Удмуртиысь крезьгуръя элькун колледжын дышетскись Ксения Дородова, Дэриысь искусствоосъя нылпи школаын дышетскись Лидия Саламатова, Ижкарысь искусствоосъя 2 номеро нылпи школаысь квартет но Кизнерысь искусствоосъя нылпи школаын дышетскись Анастасия Мошкина. Удмурт крезьгурчиослэсь кырӟанъёссэс тужгес усто быдэстэм понназ нимысьтыз дипломен Кезысь Мария Третьякова пусъемын. Озьы ик жюри II но III степенё лауреатъёсты но дипломантъёсты бырйиз.

Удмурт кырӟасьлы Григорий Титовлы сӥзем «Выль нимъёс» улосвылкуспо конкурс кык арлы огпол радъяське. Солэн ужпумез – академ амалэн кырӟанэз вӧлмытон но устолыко быдэстӥсьёслы юрттэт сётон.

Наши партнеры

Наверх
Вниз