Ижкар+5 °C
17 коньывуон 2019 Покчиарня
16+

«Адями но корт» адӟытон усьтӥськиз суредан устолыкъя элькун музейын Ижкарын

  • 158
  • 0
Ижкар / Удмуртия
«Адями но корт» адӟытон усьтӥськиз суредан устолыкъя элькун музейын Ижкарын
Туспуктэм: Удмуртиысь тӧролэн но кивалтэтлэн пресс-службазы

28-тӥ гудырикошконэ Ижкарысь суредан устолыкъя элькун музейын «Адями но корт» («Человек и металл») адӟытон усьтӥськиз. Ужрад Михаил Тимофеевич Калашников вордӥськем дырысен 100 ар тырмонлы сӥземын. Со сярысь Удмуртиысь тӧролэн но кивалтэтлэн пресс-службазы ивортэ.

Адӟытонэ тодмо удмурт суредасьёслэн: Алексей Холмогоровлэн, Семён Виноградовлэн, Пётр Семёновлэн, Александр Кокоринлэн, Виктор Котляровлэн - живопись но графика амалъёсын гожтэм ужъёссы, Ижкарысь егит суредасьлэн Дмитрий Коротаевлэн ужъёсыз, Леонард Васев нимо школаын дышетскисьёслэн вандылыса лэсьтэм пыӵал люкетъёссы, озьы ик ИжАВТО-ысь суредась-конструкторъёслэн автомобиль но мотоцикл эскизъёссы но модельёссы пыртэмын

Возьматонэ Ижкарысь промышленностьлэн валтӥсь ӧръёсыз пыризы: пыӵал тӥрлык, андан, автомобильёс но мотоциклъёс поттон. Ваньмыз соос адями но корт пыр герӟасько.

Адӟытонэз усьтонэ Удмуртиысь лулчеберетъя но туризмъя министр Владимир Соловьёв но вуылӥз.

Совето вакытэ ми асьмемыз данъяськыса «Человек труда» нималлямы, мар бордын тыршеммес чаклатэк. Адӟытон милемыз со вакытэ берыктэ, тодэ вайытэ дунлыкъёсты, кудъёсыз милям улонмылэн люкетэз вал. <…> Тау карисько суредськон иаскусствоосъя музейын ужасьёслы, суредасьёслы. Оскисько, адӟытон калыклы тунсыко луоз
Владимир Соловьёв, Удмуртиысь лулчеберетъя но туризмъя министр

Министр пусйиз, Михаил Тимофеевич Калашников вордӥськем дырысен но элькунмылэн Кунлыкезлы 100 ар тырмонлы луыса Кузебай Герд нимо Йӧскалык музейысь адӟытонэз паськытатыны чакламын. Отчы та адӟытонысь экспонатъёс но пырыны быгатозы.

Озьы ик адӟытонэз усьтон ужрадэ Ижкарысь «Аксион-Холдинг», «Купол» заводъёсысь, Ижкарысь автозаводлэн музейысьтыз, «Калашников» Концернлэн профсоюзысьтыз ыстэм муртъёс пыриськизы.

Берло аръёс ӵоже нырысьсэ усьтӥське адӟытон, кытын уж адями кунмылэн валтӥсь дунлыкез сямен возьматэмын. Мон данъяськисько Михаил Тимофеевич Калашниковлэн ужам предприятияз ужасько шуыса, кытын тодмо автоматлэн 1 сюрс 500 лыдъем нырысетӥ промышленной партиез поттэмын вал. Мыным, промышленность удысын ужасьлы сямен, суредасьёслэн ужъёссы туж яразы, малпасько, та адӟытон берпуметӥез ӧвӧл на
Николай Кокорин, «Ижевский мотозавод «Аксион-холдинг» огазеяськонлэн кивалтӥсезлэн воштӥсез

Ужрад бере люкаськемъёсты адӟытонэн тодматӥзы, вань мылкыд карисьёс суредасьёсын кенешыны быгатӥзы.

Адӟытон 2019-тӥ арын 10-тӥ шуркынмонозь кыстӥськоз.

Наши партнеры

Наверх
Вниз