Ижкар-24 °C
6 -тӥ толсур 2021 Вордӥськон
18+

Удмуртилэн тӧроез: 2021-тӥ арын улосвылын 39 «Точка роста» центръёс усьтэмын луозы

  • 203
  • 0
Ижкар / Удмуртия
Удмуртилэн тӧроез: 2021-тӥ арын улосвылын 39 «Точка роста» центръёс усьтэмын луозы
Туспуктэм: Удмуртиысь тӧролэн но кивалтэтлэн пресс-службазы

Удмуртиын «Образование» йӧскалык ӵектослы нырысь-валысь йылпумъянъёс лэсьто. Солы луыса элькунын школаын, ватсаса тодон-валан сётон ужъюртъёсын, озьы ик шор ёзо ӧнер дышетсконниосын дышетонлэн ӟечлыкез умоёгес луиз. Со сярысь улосвыл тӧролэн но кивалтэтлэн пресс-службазы ивортӥз.

2020-тӥ арын Удмуртиын 42 «Точка роста» центръёс усьтӥзы, «Кванториум» мобильной технопарк кылдытӥзы, гурт школаосын 26 спортзалъёсты выльдӥзы, «Дом научных коллабораций» но цифровой дышетонъя «IT-Куб» центр усьтӥзы.

Йӧскалык ӵектос улсын висъям коньдонэн Ижкарысь 39 но 79 номеро коррекционной школаослэсь ваньбурзэс выльдӥзы, 36 шор ёзо ӧнер дышетсконниосын но 66 школаосын цифровой дышетон среда кылдытӥзы, шор ёзо ӧнер дышетсконниосын 24 выль мастерскойёс усьтӥзы, Ижкарын волонтёръёслы юрттонъя центр кылдытӥзы.

Удмуртилэн тӧроез Александр Бречалов пусйиз, дышетон удысэз азинтон 2021-тӥ арын уз дугды.

2021-тӥ арын улосвылын 39 «Точка роста» центръёс усьтэмын луозы, Воткаын цифровой азинсконъя «IT-Куб» центр усьтӥськоз. Озьы ик ми гурт школаосысь спортзалъёсты тупатъянэз азьланьтоз, 2021-тӥ арын соос 25 пала луозы, озьы ик Воткаын 825 интылы школаез пуктон кутскоз
Александр Бречалов, Удмуртилэн тӧроез

Тодэ вайытом. озьы ик «Образование» йӧскаылк ӵектос улсын туэ Удмуртиысь 102 дышетон юртъёс туала куронъёслы тупась компьютеръёс басьтӥзы



Наверх
Вниз