Ижкар-1 °C
26 -тӥ толшор 2021 Пуксён
18+

Удмуртиысь кык педагогъёс анай кылъя дышетӥсьёслэн огъяросси мастер-классазы вормизы

  • 162
  • 0
Москва / Россия
Удмуртиысь кык педагогъёс анай кылъя дышетӥсьёслэн огъяросси мастер-классазы вормизы
Туспуктэм: Удмуртиысь дышетонъя но тодосъя министерстволэн пресс-службаез

Удмуртиысь кык педагогъёс анай кылъя дышетӥсьёслэн огъяросси мастер-классазы вормисьёс пӧлы пыризы. Вожвылъяськонлэн очной люкетэз 25-тӥ толсуре Москваын ортчиз. Со сярысь элькунысь дышетонъя но тодосъя министерстволэн пресс-службаез ивортӥз.

Дэри ёросысь Юсь школаысь покчи классъёсты дышетӥсь Елена Иванова кыкетӥ инты басьтӥз. Кияса ёросысь Уддяди гуртысь нылпи садысь визьнодась Надежда Тукаева «Воспитатель, формирующий интерес к родному языку» номинациын вормиз.

Мастер-классэ Россилэн пӧртэм улосвылъёсысьтыз 34 педагогъёс пыриськизы, радъясьёс соосты заочной люкетлы йылпумъянъёсъя бырйизы. Дышетӥсьёс но визьнодасьёс методика ужъёссэс возьматӥзы, кенешонэ пыриськизы. Вожвылъяськонэ лыктэмъёс одно ик йӧскалык дӥськутэн луыны кулэ вал

Ватсалом, 2019-тӥ арын Елена Иванова «Анай кылъя устоез дышетӥсь» VII элькун вожвылъяськонын вормиз, нош Надежда Тукаева «Пиналъёсты анай кыллы дышетӥсь устоез визьнодась» элькун конкурсын нырысетӥ инты басьтӥз

Тодэ вайытом, кылем арын анай кылъя, со пӧлын ӟуч кылъя, дышетӥсьёслэн огъяросси мастер-классазы Алнаш ёросысь Вуж Шудья школаысь удмурт кылъя но литературая дышетӥсь Ирина Евдокимова пыриськиз но куинетӥ луиз



Наверх
Вниз