Ижкар-1 °C
25 -тӥ толшор 2021 Вордӥськон
18+

500 сюрс манетэн грантъёс басьтозы Удмуртиысь 13 егит тодосчиос

  • 74
  • 0
Ижкар / Удмуртия
500 сюрс манетэн грантъёс басьтозы Удмуртиысь 13 егит тодосчиос
Туспуктэм: Руслан Нуриахметов

Удмуртиысь 13 егит тодосчиос Инновациослы юрттонъя фондлэн «Умник» вожвылъяськоназ вормизы но 500 сюрс манетэн грантъёс басьтоз. Со сярысь элькунэз азинтонъя корпорацилэн пресс-службаез ивортӥз.

Егитъёслэсь тодос ужен выремзы но солэсь табыш поттыны тыршемзы юг гажан мылкыд ӝутэ. Таяз арын вожвылъяськон 15-тӥ ползэ ортчиз ни. Финалэ 36 ӵектосъёс потӥзы, дунъясьёс соос пӧлысь 13 устозэ бырйизы. Котькудӥз вормись ӵектоссэ быдэстыны быдэн 500 сюрс манетэн басьтоз – со Удмуртиын инновациослы юрттыны 6 миллион 500 сюрс манет
Михаил Тумин, Удмуртиысь экономикая министр

Дунъясьёс ӵектосъёсты куать ӧръёсъя бырйизы: IT но цифровой технологиос, эмтодос но тазалыкез утись технологиос, выль материалъёс но хими технологиос, выль приборъёс но ваньбур поттонын визьбур технологиос, ужпӧрез радъян но выльдон, дыкужымез шыръясь энергетика – огъетъёсты дасян, энергетика удысысь установкаосты умоятон.

Экспертъёс ӵектослэсь тодосъя но техникая ӟечлыксэ, солэсь вузпӧрын азьланьзэ, со пӧлын кулэяськись понна дунлыксэ но кулэлыксэ, лыдэ басьтӥзы.

2020-тӥ арын «Умник» вожвылъяськонэ Удмурт кун университетысь, Ижысь М. Т. Калашников нимо техникая кун университетысь, Ижысь кун эм академиысь но Ижысь гурт возёсъя кун академиысь студентъёслэсь, егит тодосчиослэсь но кутскись стартаперъёслэсь 94 куриськонъёс вуизы. 

Удмурт егитъёслэн «Куара» ресурс центр» огазеяськонзы удмурт продакшен-студия кылдытыны малпа



Наверх
Вниз