Ижкар-18 °C
26 -тӥ тулыспал 2021 Удмуртарня
18+

Удмурт кылъя но литературая дышетӥсьёсты статья гожтонъя вожвылъяськонэ пыриськыны ӧтё Удмуртиын

  • 480
  • 0
Ижкар / Удмуртия
Удмурт кылъя но литературая дышетӥсьёсты статья гожтонъя вожвылъяськонэ пыриськыны ӧтё Удмуртиын
Туспуктэм: Руслан Нуриахметов

Удмуртиысь Дышетон удысысь йӧскалык ужпумъёсты эскеронъя тодос институт но «Удмурт нылкышно кенеш» огазеяськон удмурт кылъя но литературая дышетӥсьёс но покчи классъёсын удмурт кылъя но литература лыдӟонъя урокъёс нуись дышетӥсьёс понна Глафира Никольская нимо «Лучшая научная статья» улосвылкуспо вожвылъяськон ялӥзы. Конкурсэз Россиын Тодослэн но технологиослэн арзы улсын радъяло. Со сярысь ивортодэтъя «Удмуртия» агентстволэн корреспондентэзлы институтлэн кивалтӥсез Надежда Ураськина вераз.

Таӵе вожвылъяськон элькунамы нырысьсэ ортче. Надежда Ураськина туж оске, дышетӥсьёс мыло-кыдо пыриськозы шуыса.

Берло дыре удмурт кылъя но литературая дышетӥсьёсмы туж творческоесь. Соос асьсэлэсь тодон-валанзэс но ялан будэто, аттестация пыр ортчо. Милям чакламмыя, арысь аре туж тунсыко статьяос соос гожъяло, наукалы матынгес карыны туртто, методикалы
Надежда Ураськина, Дышетон удысысь йӧскалык ужпумъёсты эскеронъя тодос институтлэн кивалтӥсез

Дышетӥсьёс котькыӵе темая, ас опытсы вылэ пыкъяськыса, статьяос гожтыны быгато. Валтӥсез – соос та дырозь нокытын потэмын луыны кулэ ӧвӧл.

Ужъёсты 2021-тӥ арын шуркынмонозь кутозы. Конкурслэн куронъёсыныз чӧлсконпусъя тодматскыны луэ.

Статьяос трос люкаськизы ке, соосты нимысьтыз бичетэн поттозы

Тодэ вайытом, Дышетон удысысь йӧскалык ужпумъёсты эскеронъя тодос институт «Удмурт книга – удмурт кабинетэ» ӟечлэсьтон акция ортчытэ.



Наверх
Вниз