Ижкар-18 °C
26 -тӥ тулыспал 2021 Удмуртарня
18+

Удмурт кыллы но лулчеберетлы сӥзем «Питыран» элькун нылпи фестиваль ортчиз Удмуртиын

  • 348
  • 0
Мукши / Удмуртия
Удмурт кыллы но лулчеберетлы сӥзем «Питыран» элькун нылпи фестиваль ортчиз Удмуртиын
Туспуктэм: vk.com ("Вордскем кыл" журнал)

Удмуртиын удмурт кыллы но лулчеберетлы сӥзем «Питыран» нылпи элькун фестиваль ортчиз. Туэ со куинетӥ ползэ радъяськиз ни, но нырысьсэ - онлайн амалэн. Со сярысь ивортодэтъя «Удмуртия» агентстволы ӵектосэз кылдытӥсь, Якшур-Бӧдья ёросысь Мукши школаысь покчи классъёсты дышетӥсь Валентина Абросимова ивортӥз.

Ужрадэ покчи классъёсын дышетскисьёслэн 7 командазы пыриськиз: Якшур-Бодья ёросысь Мукши школаысь но Якшур-Бодья гимназиысь, Глаз ёросысь Куреггурт школаысь, Балезино ёросысь Юнда школаысь, Дэбес ёросысь Зар-Медло школаысь, Шаркан ёросысь Мувыр школаысь но Пичи Пурга ёросысь Гожна школаысь.

Фестивальын вить номинациос чакламын. Нырысетӥез – «Ӟечбур!»: пиналъёс удмурт кылэн данъяськемзэс возьматӥзы, асэнызы тодматӥзы.

Кыкетӥез – «Шудон бугор». Азьвыл ужрад очной амалэн радъяське вал бере, пиналъёс калык шудонъёсъя мастер-классъёс ортчытылӥзы, собере ӵошен шудылӥзы. Нош туэ визьсынан ортчыны малпазы.

Азьло ик мон соослы келялляй вал туж трос пӧртэм юанъёс: отын вал краеведение но, отын вал кылтодонэз но, историез но, котьмаиз вал отын. Пиналъёс туж умой быгатӥзы валэктонъёс сётыны. Котькинлэсь зол гожнаос но мукшиос валэктонъёс сётӥзы, ваньмызлы юанъёслы валэктон сётыны быгатӥзы
Валентина Абросимова, Якшур-Бӧдья ёросысь Мукши школаысь покчи классъёсты дышетӥсь

Куинетӥ номинациын, «Суредась», пиналъёс Анай кыллэн нуналэзлы сӥзем открыткаос аппликация но суредан амалэн лэсьтӥзы. Кылбуръёсты лыдӟыны устолыксэс «Гуртэ, мынам гуртэ» номинациын возьматӥзы.

Витетӥез номинация дышетӥсьёслы чакламын, соос ужъюлтошъёссэс асьсэ ужан амалъёсынызы тодмато. Туэ удмурт кылэз дышетонын онлайн шудонъёсты кутон сярысь вераны кулэ вал, инъет лексической шудонъёс луизы. Тросэз дышетӥсьёс лендинг платформаез кутӥллям, угось солэн туж бадӟым луонлыкъёсыз. Табере Валентина Абросимовалэн ёросазы ке но дышетӥсьёслы семинар ортчытыны мылкыдыз вань.

Ватсалом, фестивалез радъянэ Удмуртиысь дышетонъя но тодосъя министерство, Якшур-Бодья дышетонъя управление, Мукши шор ёзо школа, «Вордскем кыл» журнал, Быгатӥсь нылпиосты дышетонъя «ТАУ» улосвыл центр, Удмурт кун университетысь Удмурт кылосбуръя, финно-угроведениея но журналистикая институт но Даур ТВ пыриськизы.

Тодэ вайытом, Грак ёрос лыдӟетъюртын Анай кыллэн калыккуспо нуналэз азьын «Я читаю на родном языке» акция ялӥзы



Наверх
Вниз