Ижкар+1 °C
13 -тӥ оштолэзь 2021 Пуксён
18+

Удмуртиын сочинениосъя «Мон – удмурт! Мон - туж шудо!» огъяросси вожвылъяськон ялӥзы

  • 1333
  • 0
Ижкар / Удмуртия
Удмуртиын сочинениосъя «Мон – удмурт! Мон - туж шудо!» огъяросси вожвылъяськон ялӥзы
Туспуктэм: Константин Вознесенских

Удмуртиысь 6-11 классъёсын дышетскисьёсты но студентъёсты сочинение гожтонъя «Мон – удмурт! Мон – туж шудо!» огъяросси вожвылъяськонэ пыриськыны ӧтё. Со сярысь «Удмурт Кенеш» огазеяськонлэн пресс-службаез ивортӥз.

Вожвылъяськон заочной амалэн ортчоз. Ужъёсты 30-тӥ оштолэзёзь monudmurt@yandex.ru электрон почтае кутозы. Дунъясьёс ужъёслэсь пуштроссэс, аспӧртэмлыко луэмзэс, озьы ик удмурт кылэз быгатыса кутэмез чаклалозы.

Вормисьёсты куартолэзь пумын шараялозы. Соосты дипломъёсын но кузьымъёсын пусъёзы. Тужгес устооссэ ужъёсты «Вордскем кыл» журналэ поттозы. Йылпумъянъёсын «Удмурт Кенешлэн» нимлыко сайтаз тодматскыны луоз.

Вожвылъяськонлэсь куронъёссэ чӧлсконпусъя учкыны луэ.

Тодэ вайытом, Удмуртиын улосвыл кивалтэтлэсь литературая премизэ басьтон понна вожвылъяськон ялӥзы



Наверх
Вниз