Ижкар+17 °C
21 -тӥ инвожо 2021 Вордӥськон
18+

Шор ёзо ӧнер дышетсконниосысь 1 сюрслэсь трос дышетӥсьёс уждунзы борды ватсэт басьтозы

  • 320
  • 0
Ижкар / Удмуртия
Шор ёзо ӧнер дышетсконниосысь 1 сюрслэсь трос дышетӥсьёс уждунзы борды ватсэт басьтозы
Туспуктэм: Руслан Нуриахметов

Матысь дыре техникумъёсысь но колледжъёсысь группаослэн кураторъёссы уждунзы борды толэзьлы быдэ ватсэт басьтозы. Удмуртиын сыӵеос 1 сюрс 96 адями. Со сярысь элькунысь дышетонъя но тодосъя министерстволэн пресс-службаез ивортӥз.

Шор ёзо ӧнер дышетсконниосысь группаосын ужасьёсты школаын классэн кивалтӥсьёсын одӥг радэ пуктон сярысь 21-тӥ оштолэзе Россилэн азьмуртэз Владимир Путин Федерал Собранилы вазиськоназ вераз.

Кылем арысен школаосысь классэн кивалтӥсьёс толэзьлы быдэ уждунзы борды ватсэт басьто. Шонерлыкез тупатыны кулэ. Сыӵе ик ватсэт – 5 сюрс манет – техникумъёсысь но колледжъёсысь дышетскон группаослэн кураторъёссылы юнматыны
Владимир Путин, Россилэн азьмуртэз

Удмуртиын 9 сюрс 566 дышетӥсьёс одӥг классэн кивалтэмзы понна ватсэтэз басьто, эшшо 778 адями - кык классэз нуэмез понна.

Тодэ вайытом, школае мынон азьын вань пиналъёслэн анай-атайёссылы быдэн 10 сюрс манет сётозы



Наверх
Вниз