Ижкар+9 °C
16 -тӥ куарусён 2021 Покчиарня
18+

Выль нылпи сад усьтӥзы Ижкарын

  • 293
  • 0
Ижкар / Удмуртия
Выль нылпи сад усьтӥзы Ижкарын
Туспуктэм: Ижкар администрацилэн пресс-службаез

Ижкарын Берша нимо урамын 220 интылы чаклам выль нылпи сад – «Супер-детки» дышетонъя огъет усьтӥзы. Ужъюрт 216 номеро нылпи садлэн кыкетӥ корпусэз луиз. Со сярысь Ижкар администрацилэн пресс-службаез ивортӥз.

Нылпи садэз «Демография» йӧскалык ӵектос улсын ӝутӥзы. Лэсьтӥськон ужъёс оглом 239 миллион манет тыр усизы

Ужъюртын STEM-технологиосты, робототехникаез, ТРИЗ-технологиосты уже кутыса, «Школа-2100» туала дышетон программаез улонэ пыӵатыны луонлыкъёс вань. Озьы ик, нылпи садын пиналъёслы радио, семья кинозал, анай-атайёсын лекторийёс но тренингъёс ортчытъяны интыос вань. Со сяна, тазалыксыя ӧжыт быгатонлыкъем пиналъёслы луонлыкъёс кылдытэмын.

Пиналъёслы тодон-валан люкан понна интерактивной но луоен ӝӧкъёс, бизибордъёс, экран но мультимедиа-проектор пуктэмын.

Пусъём, матысь аръёсы Ижкарын эшшо ньыль нылпи сад пуктыны чаклало: Первомай ёросысь А-11 микрорайонын 150 интылы, Сивков нимо урамын 240 интылы, Ворошилов нимо урамын 220 интылы но Тарасов нимо урамысь «Новый город» микрорайонын 240 интылы.

Тодэ вайытом, Кезын кема возьмам выль школаез усьтӥзы



Наверх
Вниз