Ижкар-4 °C
5 -тӥ толсур 2021 Воскресенье
18+

39 «Точка роста» центръёс усьтӥзы Удмуртиын

  • 153
  • 0
Ижкар / Удмуртия
39 «Точка роста» центръёс усьтӥзы Удмуртиын
Туспуктэм: Руслан Нуриахметов

Удмуртиысь 39 школаосын «Точка роста» центръёс ужаны кутскизы. Со понна дышетон ужъюртъёсын тупатъян ужъёс нуизы, выль мебель, туала ужан тӥрлык басьтӥзы, ивортӥз элькун тӧролэн но кивалтэтлэн пресс-службазы.

Со пиналъёслы но дышетӥсьёслы выль дышетскон арлы туж умой кузьым. Табере нылпиослы туала амалъёсты уже кутыса тодон-валан люканы паськыт луонлыкъёс усьтӥсько
Александр Бречалов, Удмуртилэн тӧроез

Центръёс 1-тӥ куарусёнэ ик ужаны кутскизы, но сӥё-дано усьтон ужрадъёс кык арня ӵоже кыстӥськизы.

«Точка роста» центръёс, туала тӥрлыклы луыса, ӟечлыкогес тодон-валан басьтыны луонлык сёто. Мон оскисько, пиналъёсмы матысь дыре естесственно-научной но инженерной образованиен герӟаськем конкурсъёсын но олимпиадаосын вормисьёс пӧлы сюрылыны кутскозы
Михаил Миронов, Ува ёросысь Нылга черкогуртысь физикая дышетӥсь

9-тӥ куарусёнэ Удмуртилэн тӧроез Пичи Пурга ёросэ ужъя пумиськонъёсын вуылӥз но Норья черкогуртысь «Точка ростаез» учкиз. Отын дышетскисьёс но ужасьёс центрез ӵыдытэк возьмазы.

Озьы ик «Точка роста» ёросысь Вуж Мӧнья гуртын но усьтӥськиз. Ӵектос улсын школаысь кабинетъёсты тупатъязы но туала тӥрлык пуктӥзы, химияя, биологияя, физикая лабораториос усьтӥзы, информатикая урокъёслы класс радъязы. Со сяна, ватсаса тодон-валан басьтыны но ӵектосъёс бордын ужаны интыос висъязы.

Центр Сьӧлта ёросысь Выль Мӧнья гуртысь школаын но лэсьтӥзы. Сое сӥё-дано усьтон дыръя пиналъёс дышетӥсьёсынызы ӵош выль тӥрлыкен мастер-класс ортчытӥзы.

Та ужрад дышетӥсьёслы но, пиналъёслы но, анай-атайёслы но, ёросын улӥсьёслы но бадӟым шумпотон вае. «Точка роста» - со выль луонлыкъёс, улонысь ас интыдэ шедьтыны но азинскыны кыстӥськон мылкыд
Анна Кондакова, Сьӧлта ёросысь дышетонъя управлениен кивалтӥсь

Пусъём, «Точка роста» центръёсты «Образование» йӧскалык ӵектос улсын лэсьтӥзы

Ваньмаз ик пиналъёс выль туала компьютеръёсын, 3D-принтеръёсын ужалозы, квадрокоптерен, «ватсам улон» амалэн ужась шлемъёсын вырыны дышетскозы. Озьы ик пиналъёс пӧртэм кружокъёсы гожтӥськыны яке ас медиапродуктсэс кылдытыны быгатозы.

2021-тӥ арын центръёслэн ужзы физикалы, химиялы, биологиялы, технологиялы дышетон амалъёсты выльдон уже ӧръямын. Кылем арын элькунамы 42 «Точка ростаос» усьтӥзы вал, нош 2025-тӥ арозь соослэсь лыдзэс 228-озь вуттыны чаклало. 



Наверх
Вниз