Ижкар-4 °C
5 -тӥ толсур 2021 Воскресенье
18+

Дышетскисьёслэн огъяросси олимпиадазылэн школа люкетэз кутскиз Удмуртиын

  • 229
  • 0
Ижкар / Удмуртия
Дышетскисьёслэн огъяросси олимпиадазылэн школа люкетэз кутскиз Удмуртиын
Туспуктэм: Григорий Фомин

20-тӥ куарусёнэ дышетскисьёслэн огъяросси олимпиадазылэн школа люкетэз кутскиз. 4-11 классъёсын дышетскись вань мылкыд карисьёс 24 тодметъёсъя тодон-валанъёссэс эскерыны быгатозы. Со сярысь Удмуртиысь дышетонъя но тодосъя министерстволэн пресс-службаез ивортӥз.

Куать тодметъёсъя (математика, физика, инорматика но ИКТ, химия, биология, астрономия) заданиосты дышетонъя «Талант и успех» фондын (Дышетонъя «Сириус» центр) дасязы.

Мукет 18 тодметъёсъя (экология, география, экономика, ӟуч кыл, литература, англи кыл, немец кыл, француз кыл, испан кыл, китай кыл, итальян кыл, история, обществознание, право, технология, физкультура, ОБЖ, искусство) ужъёс улосвылысь тодметъёсъя но методикая ӧриосын кылдытэмын.

Огъяросси олимиадалэн валтӥсь ужпумез – быгатӥсь пиналъёсты шараян, дышетскисьёслы тодметъёсты мургес дышетыны мылкыд сётон, творчествоя быгатонлыкъёссэс но аспӧртэм малпаськыны быгатэмзэс азинтон

Олимпиадаын вормон пиналъёслы коньдон утыны но Россиысь устоосаз университетъёсы пырыку ватсаса луонлыкъёс сётэ.

Тодэ вайытом, азьвылаз оъяросси олимпиадалэн йылпумъян люкетаз Удмуртиысь 131 пиналъёс пыриськизы.



Наверх
Вниз