Ижкар-4 °C
5 -тӥ толсур 2021 Воскресенье
18+

Дышетӥсьёсты дасянъя классъёс усьтозы Балезиноысь шор ёзо школаын 2022-тӥ арын

  • 383
  • 0
Балезино / Удмуртия
Дышетӥсьёсты дасянъя классъёс усьтозы Балезиноысь шор ёзо школаын 2022-тӥ арын
Туспуктэм: vk.com (ГГПИ им. Короленко)

2022-тӥ арын Балезиноысь 5 номеро шор ёзо школаын дышетӥсьёсты дасянъя классъёс усьтозы. 23-тӥ куарусёнэ со сярысь тупанкылэз Глазкарысь В. Г. Короленко нимо институтысь проректор Екатерина Калинина но каргуртысь школалэн кивалтӥсез Мадына Васильева кинюртӥзы. Со сярысь Глазкарысь институтлэн «ВКонтакте» мерлыко вотэсысь бамаз ивортӥзы.

Институт Балезиноысь пиналъёсты педагогика ӧръя вузэ пырыны дасяны юрттоз.

Ми асьмеос Глазкарысь дышетӥсьёсты дасясь институтэз йылпумъям, вузмылэн патриотъёсыз луиськом, сое дышетӥсьёсты дасясь тужгес устоеныз вузэн лыдъясько
Мадына Васильева, Балезиноысь 5 номеро шор ёзо школалэн кивалтӥсез

Пиналъёсты гуманитарной но технологической ӧръёсъя дасяны чаклало. Дышетонэз очной амалэн но, Zoom платформаез уже кутыса но нуыны малпало.

Дышетскисьёсын профориентаци уж туэ ик нуыны кутскозы. Ӵектосэз улонэ пыӵатон борды институтысь дышетӥсьёс сяна, студентъёс но басьтӥськозы. Пӧлазы Балезиноысь 5 номеро шор ёзо школаез йылпумъям егитъёс но луозы.

Институтэн валче ужан улсын школаысь дышетӥсьёслы квалификацизэс будэтонъя курсъёс но ортчытозы

Пусъём, 5 номеро шор ёзо школа Балезиноысь тужгес бадӟымез но нырысетӥез кылдэмез луэ. 2022-тӥ арын со 110 ар тырмонзэ пусъёз. 

Тодэ вайытом, Удмуртиын 39 «Точка роста» центръёс усьтӥзы.




Наверх
Вниз