Ижкар-4 °C
5 -тӥ толсур 2021 Воскресенье
18+

Удмурт кылын вераськись пиналъёсты «Пичи Чеберайёс но Батыръёс» вожвылъяськонэ пыриськыны ӧтё

  • 281
  • 0
Ижкар / Удмуртия
Удмурт кылын вераськись пиналъёсты «Пичи Чеберайёс но Батыръёс» вожвылъяськонэ пыриськыны ӧтё
Туспуктэм: Алексей Арзамасцев

Удмуртиысь удмурт кылэз тодӥсь но дышетӥсь покчи пиналъёсты «Пичи Чеберайёс но Батыръёс» элькун вожвылъяськонэ пыриськыны ӧтё. Туэ 1-4 классын дышетскись пиналъёслэсь но куриськонъёссэс возьмало, ивортӥз Калыкъёслэн эшъяськон юртсылэн пресс-службаез.

Озьы ик вожвылъяськонэ Россиысь мукет улосвылъёсысь но кунгож сьӧрысь удмурт кылэз дышетӥсь пиналъёсты возьмало.

Конкурс удмурт кылын онлайн амалэн ортчоз. Нырысетӥ люкетэз 20-тӥ шуркынмонозь кыстӥськоз. Пыриськисьёс асьсэ но гуртсы (карзы) сярысь веранэн, кырӟанэн, кылбурен яке вашкала удмурт арбериослэн историенызы тодматонэн видеозапись келяны кулэ.

Куриськонъёсты 20-тӥ коньывуонозь кутозы. Вожвылъяськонэн куронъёсыныз пыр-почгес положениысьтыз но ватсэтысьтыз тодыны луэ. 

Вормисьёсты (60 адямиез) Удмуртиысь Калыкъёслэн эшъяськон юртазы Выль ар шулдыръяськонэ ӧтёзы но кузьымъёсын, дипломъёсын пусъёзы

Тодэ вайытом, 2020-тӥ арын «Пичи Чеберайёс но Батыръёс» элькун вожвылъяськон нырысьсэ онлайн амалэн ортчиз. Конкурсэ Удмуртиысь 170 нылпи садъёс пыриськизы

Ватсалом, фестиваль-вожвылъяськонэз «Удмурт нылкышно кенеш» огазеяськон »Удмурт кенешен»но Удмуртиысь Калыкъёслэн эшъяськон юртэнызы валче элькунысь йӧскалык политикая министерство юрттэмен радъя. 



Наверх
Вниз