Ижкар+1 °C
30 -тӥ шуркынмон 2021 Пуксён
18+

Уваысь дышетӥсь-психолог ӧнер устолыкъя огъяросси вожвылъяськонэ пыриське

  • 251
  • 0
Ува / Удмуртия
Уваысь дышетӥсь-психолог ӧнер устолыкъя огъяросси вожвылъяськонэ пыриське
Туспуктэм: Удмуртиысь дышетонъя но тодосъя министерстволэн пресс-службаез

Уваысь 4 номеро школаысь дышетӥсь-психолог Елена Ожегова ӧнер устолыкъя «Педагог-психолог России – 2021» огъяросси вожвылъяськонэ пыриське. Конкурслэн йылпумъян люкетэз 28-тӥ куарусёнэ кутскиз. Со сярысь Удмуртиысь дышетонъя но тодосъя министерстволэн пресс-службаез ивортӥз.

Дышетӥсь-психологлэн валтӥсь ужез дышетсконниын юрттӥсь, кышкыттэм, валась (пространство) кылдытон бордын, кытын котькуд нылпи аслэсьтыз луонлыкъёссэ усьтонлы но азинтонлы матэктыны быгатоз
Елена Ожегова, Уваысь 4 номеро школаысь дышетӥсь-психолог

Вожвылъяськонлэн йылпумъян люкетаз кунлэн вань 85 улосвылъёсысьтыз ӧнерчиос пырисько. Конкурс эскеронъёс дистанционной амалэн кык люкетэн радъясько: экспертной но суперфинал. Вожвылъяськон берпуметӥ нуналаз Россиысь калыкез дышетонъя министерстволэн ыстэм муртъёсынызы онлайн-пумиськон ортчоз.

Федерал люкетэ пыриськисьёс понна дышетон психологи удысысь валтӥсь ӧнерчиослэсь лекциос, вебинаръёс, мастер-классъёс радъяськозы.

Вормисьлэсь нимзэ конкурсэз ворсан ужрадын 4-тӥ коньывуонэ шараялозы

Ватсалом, «Педагог-психолог России – 2021» огъяросси вожвылъяськон дышетон удысысь психологъёслэсь ӧнер устолыксэс, данзэс будэтон, творчествоя луонлыкъёссэс азинтон вылысь радъяське.

Тодэ вайытом, Удмуртиысь Удмуртиысь укмыс дышетӥсьёс Москваын Классэн кивалтӥсьёслэн огъяросси форумазы пыриськозы



Наверх
Вниз