Ижкар+1 °C
30 -тӥ шуркынмон 2021 Пуксён
18+

Дышетсконниос дистанционной амалэ уз потэ Удмуртиын

  • 274
  • 0
Ижкар / Удмуртия
Дышетсконниос дистанционной амалэ уз потэ Удмуртиын

Удмуртиысь дышетон юртъёс дистанционной амалэ уз выже, но югдурез котькуд арня пумын чаклалозы. Со сярысь элькунлэн тӧроез Александр Бречалов «ВКонтакте» мерлыко вотэсысь бамаз ивортӥз.

Котькуд арня пумын ми эпидемиологи югдурез чаклаломы но пумкылъянъёс кутомы. Туннэ нуналлы элькунысь дышетон огазеяськонъёс ужзэс дышем сямен азьланьто, дистанционной амалэн дышетонэ выжытэк
Александр Бречалов, Удмуртилэн тӧроез

Пиналъёсты висёнлэсь утён вылысь дышетсконниосын температураез мертало, рециркуляторъёс но антисептикъёс ужало. Пиналъёс понна пӧртэм пырон но потон интыос радъямын, классъёсын урокъёс пӧртэм дыре кутскыло, трос калыкен ужрадъёс уг ортчытъясько.

Со сяна, висьёслэн лыдзы йылӥз ке, эмчиосын но Роспотребнадзорен кенешыса, нимаз классъёсты группаосты, нылпи садъёсты карантинэ ворсан радлык кылдытэмын. Туннэ элькунын куать дышетон огазеяськонъёс коронавирусъя карантинын, тямысэз – паласькись лек вирус инфекциосъя.





Наверх
Вниз