Ижкар-4 °C
5 -тӥ толсур 2021 Воскресенье
18+

Глазкарысь институтлэн ӵектосэз «Моя страна – моя Россия» огъяросси конкурсын 23 устоосыз пӧлы пыриз

  • 181
  • 0
Москва / Россия
Глазкарысь институтлэн ӵектосэз «Моя страна – моя Россия» огъяросси конкурсын 23 устоосыз пӧлы пыриз
Туспуктэм: Удмуртиысь тӧролэн но кивалтэтлэн пресс-службазы

Глазкарысь дышетӥсьёсты дасянъя кун институтысь Студентъёслэн кичӧлтонъёссыя центрен кивалтӥсь Елена Караваева «Моя страна – моя Россия» огъяросси конкурсын «Моя страна. Моя история. Мой космос» номинациын 23 финалистъёс пӧлы сюриз, ивортӥз элькун тӧролэн но кивалтэтлэн пресс-службазы.

Елена Караваева Атыкай музъемез гажан пыӵатон понна малпам «Новый феникс» егитъёслы ӵектосэнызы тодматӥз.

Милям ӵектосмы поисковой движениез нылпиос но егитъёс пӧлын вӧлмытон понна кулэ. Со дышетскисьёсты поисковой огазеяськонъёсы кыскыны, историез утьыны, егитъёслы Быдӟым Атыкай ож сярысь зэмлыко тодон-валан сётыны юрттоз
Елена Караваева, Глазкарысь дышетӥсьёсты дасянъя кун институтысь Студентъёслэн кичӧлтонъёссыя центрен кивалтӥсь

Озьы, со улсын школаосын дышетскисьёсты Бадӟым Атыкай ожын бырем солдатъёслэсь лысьӧмъёссэс утчан уже кыскыны, поисковикъёслэн ужзы сярысь медиаконтент дасяны, VR-технологиосты уже кутыса учебно-экспозиционной база кылдытыны но поисковой отрядъёслэсь улосвылкуспо форумзэс ортчытыны ӧдъяло.

Пусъём, егитъёслэн «Моя гордость. Моя страна. Моя малая родина» огъяросси форумзы Москваын 29-тӥ куарусёнысен 1-тӥ коньывуонозь ортчиз. Отчы «Моя страна – моя Россия» XVIII огъяросси конкурслэн финалистъёсыз пыриськизы.

Конкурс «Образование» йӧскалык ӵектос улсысь «Социальные лифты для каждого» федерал ӵектос улсын ортчиз.

Вормисьёсты но призёръёсты 2021-тӥ арын толсуре шараялозы. 

Тодэ вайытом, Удмуртиысь укмыс дышетӥсьёс Классэн кивалтӥсьёслэн огъяросси форумазы мынозы



Наверх
Вниз