Ижкар-4 °C
5 -тӥ толсур 2021 Воскресенье
18+

Ньыль медаль утӥзы Удмуртиысь пыриськисьёс «Навыки мудрых» йӧскалык чемпионатын Новосибирскын

  • 123
  • 0
Новосибирск / Россия
Ньыль медаль утӥзы Удмуртиысь пыриськисьёс «Навыки мудрых» йӧскалык чемпионатын Новосибирскын
Туспуктэм: Удмуртиысь дышетонъя но тодосъя министерстволэн пресс-службаез

Новосибирскын ортчем «Навыки мудрых» IV йӧскалык чемпионатын Удмуртиысь пыриськисьёс ньыль медаль утӥзы. Со сяна, ӧнерлыко луэмзы понна куинь медальон басьтӥзы. Чемпионатлы йылпумъянъёс 8-тӥ коньывуонэ лэсьтӥзы, ивортӥз элькунысь дышетонъя но тодосъя министерстволэн пресс-службаез.

Игорь Перевозчиков «Электромонтаж» ӧръя зарни медаль утӥз. Нош куинез пыриськисьёсмы бронза медальёс басьтӥзы: Алик Ишкулов — «Веб-дизайн и разработка» ӧръя, Ирина Гладкова – «Физическая культура, спорт и фитнес» ӧръя, Валентин Антропов – «Эксплуатация сельскохозяйственных машин» ӧръя

Медальонъёсын Тамара Соколоваез («Поварское дело» ӧръя), Елена Веретенниковаез («Дошкольное воспитание» ӧръя) но Эльвира Халтуринаез («Организация экскурсионных услуг» ӧръя) пусйизы.

Йӧскалык чемпионатлы йылпумъянъёсъя Россиысь улосвылъёслэн кубоксылэн зачётаз медальёслэн лыдзыя Москва но Новосибирск улосвылъёс устоосыз луизы, кыкетӥ интые Кемерово улосвыл потӥз, куинетӥ Челябинск улосвыл луиз

Пусъём, 50 ареслэсь мӧйыослы ӧнер устолыкъя ӵошатсконъёсы 64 улосвылъёсысь 300-лэсь ятыр адями пыриськиз. Финалын Удмуртилэсь данзэ укмыс мурт утиз. Вожвылъяськонъёс сизьым удысысь 28 ӧръёсъя мынӥзы. Нырысьсэ устооссэ «Ветеринария», «Социальная работа» но «Кузовной ремонт» ӧръёсъя шараязы.

Конкурсантъёсты Новосибирскын интыяськем Ӵошатсконъёсын кивалтон центрысь экспертъёс дунъязы. Пыриськисьёс заданиосты ас улосвылъёсысьтызы нимысьтыз радъям лабораториосын, мастерскойёсын быдэсъязы. Удмуртиын соос Ижкарын, Сарапулын но Уваын кылдытэмын вал. 



Наверх
Вниз