Ижкар+1 °C
30 -тӥ шуркынмон 2021 Пуксён
18+

Удмуртиысь 17 дышетскисьёс но студентъёс «Большая перемена» огъяросси вожвылъяськонлэн валтӥсь кузьымъёсыз понна нюръяськозы

  • 297
  • 0
Ижкар / Удмуртия
Удмуртиысь 17 дышетскисьёс но студентъёс «Большая перемена» огъяросси вожвылъяськонлэн валтӥсь кузьымъёсыз понна нюръяськозы
Туспуктэм: udmedu.ru

Удмуртиысь школаосын 11 дышетскисьёс но шор ёзо ӧнер дышетсконниысь куать студентъёс «Большая перемена» огъяросси вожвылъяськонлэн йылпумъян люкетаз потӥзы но валтӥсь кузьымъёс понна нюръяськозы. Со сярысь элькунысь дышетонъя но тодосъя министерстволэн пресс-службаез ивортӥз.

Пӧртэм ӧръёсын усто быгатонлыкъёссэс возьматӥзы Воткаысь, Ижысь, Кияса, Ува, Шаркан ёросъёсысь дышетскисьёс: Илья Туляков, Софья Самарина, Екатерина Шутова, Эвелина Валова, Алина Берестова, Руфь Басалыко, Анастасия Чижик, Алия Кощеева, Мария Чекрыгина, Виктория Деева, Варвара Трефилова.

Стдунетъёс пӧлын Удмуртилэсь данзэ утёзы Сарапулысь, Ижысь, Дэбес ёросысь егитъёс: Алёна Анухина, Юлия Зеленина, Софья Лопашова, Марина Постоева, Милана Ситчихина, Алексей Сурнин.

Школаын дышетскисьёс понна финал «Артек» калыккуспо нылпи центрын 7-тӥ шуркынмонэ кутскоз. Студентъёс йылпумъясь ужрадэ Нижний Новгородэ 15-тӥ шуркынмонэ люкаськозы

10-тӥ классын дышетскись 300 пиналъёс но куинетӥ курсысь 150 студентъёс 1 миллион манетъем премиос понна нюръяськозы. 8-9 классъёсын 300 дышетскисьёс но 1-2 курсъёсысь 150 студентъёс быдэн 200 сюрс манет но вузъёсы пырыку ватсаса баллъёс басьтозы. Вормисьёслэн дышетӥсьёссылы 150 сюрс манетэн сётозы, нош 30 устоосызлы школаослы – быдэн 2 миллион манетэн.

2021-тӥ арын «Большая перемена» вожвылъяськонэ 2 миллион 500 сюрслэсь трос дышетскисьёс но студентъёс пыриськизы.

Тодэ вайытом, 2020/2021 дышетскон арын Удмуртиысь куинь дышетскисьёс огъяросси вожвылъяськонын 5-7 классъёсын дышетскисьёс пӧлын вормизы. Нылъёс валтӥсь кузьымез утӥзы – Москваысен Владивостокозь но берен «Большая перемена» поездэн мынон-ветлон.

ВАТСАН

«Большая перемена» вожвылъяськон - «Россия – страна возможностей» платформалэн ӵектосэз. Конкурслэн нырысетӥ сезоназ вань улосвылъёсысь миллионлэсь трос дышетскисьёс пыриськизы. Ӵектослэн ужпумез – быдэ вуымтэослы асьсэды возьматыны но кужмо палъёссэс шедьтыны луонлык сётон. Вожвылъяськонын нырысь ик быгатонлыкъёсты дунъяло: командаен ужаны, секыт югдурысь потыны тунсыко амалъёс шедьтыны быгатэмзэс. 
 Конкурс 12 ӧръя ортче: тодос но технологиос («Создавай будущее!»), творчество («Твори!»), журналистика но выль медиа («Расскажи о главном!»), волонтёр луон («Делай добро!»), историез тодын возён («Помни!»), урбанистика («Меняй мир вокруг!»), дуннеез котыръян но туризм («Познавай Россию!»), таза улон («Будь здоров!»), экология («Сохраняй природу!»), дышетон технологиосты азинтон («Открывай новое!»), патриотизм но кунэз утён («Служи Отечеству!»), ужбергатон («Предпринимай!»).


Наверх
Вниз