Ижкар+19 °C
14 -тӥ оштолэзь 2021 Вирнунал
18+

95 нылпиос быръемын «Шундыкар» лагере мынон понна

  • 490
  • 0
Ижкар / Удмуртия
95 нылпиос быръемын «Шундыкар» лагере мынон понна
Туспуктэм: vk.com (ШУНДЫКАР-2017)

Усточи пиналъёс понна «Шундыкар» лагере мынон понна 95 нылъёс но пиос быръемын. Лыдметэн тодматскыны луоз лагерьлэн «ВКонтакте» вотэсысь группаяз.

Вожвылъяськонэз потэмъёс пӧлын Удмуртиысь, Башкортостанысь, Татарстанысь, Пермь шаерысь, Марий Элысь пиналъёс.

Лагерь 20–29 гудырикошконэ «Ёлочка» лагерьын ортчоз. Уж 11 ӧръёсъя нуиськоз:

 — суредан — вожвылъяськонэз 10 адями потӥз (ӧнерчи — Чудья Жени)

 — тележурналистика — 7 адями (ӧнерчи — Вероника Ваулина)

 — дӥськут дизайн — 8 адями (Полина Кубиста)

 — фольклор — 11 адями (Екатерина Коротаева)

 — театр — 12 адями (Дмитрий Корепанов)

 — крезьгуро инструментъёсын шудон — 5 адями (Владимир Жуйков)

 — крезь лэсьтон — 6 адями (Василий Широбоков)

 — эстрада — 10 адями (Владислав Андреев)

 — видеоискусство — 8 адями (Владислав Степанов)

 — литература — 10 адями (Богдан Анфиногенов)

 — эктон — 8 адями (Татьяна Тихонова).

Нимысьтыз куронъёс: 

  • «Суредасьёс» отрядлы — сьӧре ваёно 2–3 кисточка, кулэтэм бытовой арбериос, (кылсярысь, тӥяськем фотоаппарат, телефон, вуж утюг яке мукет костаськись пичи арбери)
  • «Фольклор» отрядлы — удмурт калык диськут, эктон пыдкутчан «Крезьгуро инструментъёсын шудӥсьёс» отрядлы — инструментъёс, шнур 
  • «Крезь лэсьтон» отрядлы — резак, стамеска полукруглой, стамеска прямой, рубанок, линейка, карандаш
  • «Видеоискусство» отрядлы — луонлыкъя видеокамера яке съёмкаос лэсьтыны луоно фотоаппарат, ноутбук, флешка (8 гб яке тросгес) 
  • «Эктӥсьёс» отрядлы — асьтэ палась удмурт калык дӥськут, эктон пыдкутчан, ыжгон носки.

Тодэ вайытом, 1-тӥ гудырикошконэ Башкириысь Татышлы ёросысь В. М. Комаров нимо лагерьын удмурт пиналъёс понна «Усточикар» лагерь ужаны кутскиз



Наверх
Вниз