Ижкар-24 °C
6 -тӥ толсур 2021 Вордӥськон
18+

Бадӟым этнографи диктантэз гожтон интыос Удмуртиын куинь поллы тросгес луозы

  • 772
  • 0
Ижкар / Удмуртия
Бадӟым этнографи диктантэз гожтон интыос Удмуртиын куинь поллы тросгес луозы
Туспуктэм: Григорий Фомин

Бадӟым этнографи диктантэз ортчытон понна 3-тӥ шуркынмонэ Удмуртиын 200-лэсь трос площадкаос усьтозы. Со сярысь иворъёсъя «Удмуртия» агентстволы вераз ӵектослэн элькунъя координаторез Наталья Шергина.

Элькунысь вань каръёсын но ёросъёсын 219 площадкаос пусъемын, 17-ез со пӧлысь — Ижкарын. Таяз арын тросгес пыриськисьёсты возьмаськомы, куать сюрс пал адямиез
Наталья Шергина

Пусъёмы, 2016-тӥ арын Удмуртиын 67 площадкаос вал, тямысэз со пӧлысь — Ижкарын.

Со сяна, Бадӟым этнографи диктантэз ӵектослэн нимлыко сайтаз онлайн амалэн гожтыны луоз, 3-тӥ шуркынмонэ 11 часысен но 6-тӥ шуркынмонэ потытозь.


Диктантэ пыриськисьёслы 45 минут ӵоже 30 юанъёслы валэктон сётоно луоз. 20-ез со пӧлысь Россиысь калыкъёслэн историенызы но лулчеберетэнызы герӟаськем федерал юанъёс но 10-эз — улосвыл юанъёс, мукет сямен вераса, Удмуртиын улӥсьёслы элькунын улӥсь калыкъёс сярысь юанъёс сётозы.

Валэктонъёс понна тужгес троссэ 100 бал басьтыны луоз. Кылем арын Удмуртиын улӥсьёс 53,3 пала балл басьтӥзы, кунъя со шоро-куспо лыдпус луэ.

Нимысьтыз дасяськытэк лыктыны кулэ, озьы ми этнокультурая тодон-валанъёслы зэмос дунъет лэсьтыны быгатомы
Наталья Шергина

Диктантэз гожтэм котькуд адями нимысьтыз сертификат басьтоз. Котькуд площадкаын радъясьёс асьсэос пумкылъян кутозы, дасялозы-а соос ватсаса кузьымъёс.

Площадкаосын диктант гожтӥсьёс йылпумъянъёсты тодозы 10-тӥ шуркынмонэ. Ӵектослы огъяросси йылпумъянъёсты, шонер валэктонъёсты но тужгес ӵем пумиськылӥсь янгышъёсты нимлыко сайтын 12-тӥ толсуре шараялозы.

Тодэ вайытом, Бадӟым этнографи диктантэз Россиын ортчытъяны кутскизы Удмуртилэн кичӧлтэмезъя. Элькунысь Ӟуч лулчеберетъя огазеяськонлэн ыстэм муртэз Максим Фефилов йӧскалык кусыпъёсъя кенешлэн пумиськоназ со сярысь Владимир Путинлы вераз. 2016-тӥ арын Россиын Бадӟым этнографи диктантэз 90 сюрс пала адями гожтӥз.



Наверх
Вниз