Ижкар-24 °C
6 -тӥ толсур 2021 Вордӥськон
18+

Удмуртилэн тӧроез Александр Бречалов Бадӟым этнографи диктантэ пыриськиз

  • 868
  • 0
Ижкар / Удмуртия
Удмуртилэн тӧроез Александр Бречалов Бадӟым этнографи диктантэ пыриськиз
Туспуктэм: Никита Иванов

Туннэ, 3-тӥ шуркынмонэ, Россиын но СНГ-е пырись кунъёсын «Бадӟым этнографи диктант» дышетскон ужрад ортчиз. Удмуртиын 200-лэсь трос площадкаос ужазы. Одӥгаз соос пӧлысь, Калыкъёслэн эшъяськон юртазы, аслэсьтыз тодон-валанъёссэ эскерыны элькунлэн тӧроез Александр Бречалов вуиз.

Сюлмысь шумпотӥсько, та ӟеч кичӧлтон Удмуртиын вордскиз шуыса, Бадӟым этнографи диктант Калыкъёслэсь огазеяськон нуналзэс пусъёнлэн бадӟым люкетэз луыны кутскиз шуыса. Со возьматэ Россилэсь пуштроссэ, кытын тупаса уло трос выжы калыкъёс
Александр Бречалов

«Кунмылэсь быдӟым, туж тунсыко историзэ дышетыны мылкыд сётӥсь этнографи диктантлэн бадӟым азинлыкез. Диктант — адямиосты тодон-валан басьтыны кыскись выль, туала амал, историяя квест шуыны яра. Туннэ площадкаосын сыӵе трос егитъёс юнме ӧвӧл, соослы со тунсыко», — пусйиз Удмуртилэн тӧроез.

Таяз арын ужрадэ пыриськисьёс 45 минут ӵоже 30 юанлы валэктон сётыны кулэ вал. Йӧскалык ужъёсъя федерал агентство соосты Москваысь кун университетэн ӵош малпаз.

«Туэ юанъёс мукетэсьгес, соос историен но этнографиен герӟаськемын. Туж тросэз валэктонъёс юанын ик ватэмын, логикая туж капчиен соослы валэктон сётыны луэ вал», — шуиз Удмуртиысь йӧскалык политикая министр Лариса Буранова.

Бадӟым этнографи диктант-2017


Тодэ вайытом, Бадӟым этнографи диктантэз Россиын Удмуртилэн кивалтэтэз кичӧлтэмъя ортчытъяны кутскизы. Нош туэ элькунын ужрадлэсь кырӟанзэ гожтӥзы.

«Таяз арын этнодиктант калыккуспо инлык басьтӥз. Ми борды СНГ-е пырись 11 кун ватсаськиз. Соин ик этнографияя, сям-йылолъёсъя но лулчеберетъя тодон-валанзэс Россия сяна, Грузия, Абхазия но Таджикистан эскерозы», — ивортӥз диктантэз одӥгез радъясь Мария Созыкина.

6-тӥ шуркынмонэ потытозь вань мылкыд карисьёс этнодиктантэз онлайн амалэн ужрадлэн нимлыко сайтаз гожтыны быгатозы. Котькуд пыриськись сертификат басьтоз. Этнодиктантлы йылпумъянъёсты 12-тӥ толсуре тодыны луоз.



Наверх
Вниз