Ижкар-24 °C
6 -тӥ толсур 2021 Вордӥськон
18+

Ижкарлы 10 выль школа кулэ

  • 483
  • 0
Ижкар / Удмуртия
Ижкарлы 10 выль школа кулэ
Туспуктэм: Григорий Фомин

Ижкарысь школаосын 10 сюрс инты уг тырмы. Журналистъёсын пумиськонын 17-тӥ толшоре со сярысь кар администрациысь дышетонъя управленилэн кивалтӥсез Светлана Петрова ивортӥз.

«Туннэ Ижкарысь школаосмы 122 процентлы тырмытъямын. Соин ик вань школаос, кудъёсыз кык сменаен ужало. Туннэ нуналлы Ижкарысь школаосын 10 сюрс инты уг тырмы. Со 10 школа», — пусйиз со.

Выль дышетскон арлы чакланъёсъя, 8 сюрс 800 пиналъёс партаос сьӧры нырысьсэ пуксёзы. Кылем арен ӵошатыса, со 200 дышетскисьёслы тросгес.

Ми доры нырысетӥ классэ 200 пиналъёс лыкто ке, ми ватсаса укмыс нырысетӥ классъёс усьтыны кулэ. Ми ватсаны луоно висъетъёсты учкиськомы. Кылем арын дышетскон висъетъёсты тупатъям. Кылсярысь, крезьгуръя висъетэз покчи классъёслы висъет карим
Светлана Петрова

Озьы ик со вераз, нырысетӥ классэ лыктӥсьёсты кутон Ижкарысь школаосын 26-тӥ толшорысен кутскоз шуыса. 29-тӥ толшоре нылпиосты кутон кампания кутскоз со дышетсконниосын, кытчы быдэс карысь мылкыд карисьёсты басьто, нимысьтыз микрорайонъёсысь гинэ ӧвӧл. Сыӵе дышетсконниос —  11.

Ватсалом, «Столичный» микрорайонысь элькун школа-интернатэ гожтӥськонэз 15-тӥ толшоре ялӥзы ни. Выль дышетскон арын татын азьвыл чаклам куинь интые ньыль нырысетӥ классъёс усьтозы.



Наверх
Вниз