Ижкар+11 °C
18 -тӥ коньывуон 2021 Вордӥськон
18+

Ёросъёсысь кыккылолыко пиналъёсын ужасьёслы мастер-классъёс радъяськозы Ижкарын

  • 720
  • 0
Ижкар / Удмуртия
Ёросъёсысь кыккылолыко пиналъёсын ужасьёслы мастер-классъёс радъяськозы Ижкарын
Туспуктэм: vk.com (Билингва)

11-тӥ оштолэзе Ижкарысь Кузебай Герд нимо йӧскалык гимназиын кыккылолыко пиналъёсын ужасьёслы кыккылолыкъя «Билингва» центрлэн семинарез улсын мастер-классъёс радъяськозы. Со сярысь ӵектослэн пресс-службаез ивортэ.

Ужрадэ удмурт но ӟуч кылъёсты тодӥсь пиналъёсын ужась визьнодасьёс, дышетӥсьёс, логопедъёс но психологъёс ӧтемын. Соосты «Билингва» ӵектосэн тодматэм сяна, семинарын кыккылолыко пиналъёсын «Крезьгур», «Шудон», «Творчество», «Кыл волятон», «Калык эктон», «Театрализация» ӧръёсъя ужан амалъёсъя мастер-классъёс ортчозы. Дышетӥсьёсын кыккылолыкъя «Билингва» центрысь ӧнерчиос ужалозы.

Кызьы верамын ивортонын, «Удмурт Кенеш» огазеяськонлэн тӧроез Татьяна Ишматова вылэ чӧлскыса, удмурт кылэз дышетон ужпум туннэ нуналлы одӥгез лэчытэз луэ.

Семинар ми ортчытӥськом Удмурт Элькунысь каръёсысь но ёросъёсысь дышетӥсьёс куремен. Удмурт мер огазеяськонъёслэн удмурт калыклэсь кылзэ но лулчеберетсэ утёнъя но азинтонъя пӧртэм амалъёссы вань. Одӥгез пайдаёез «Билингва. О практиках формирования двуязычия в современной городской среде» ӵектос
Татьяна Ишматова, «Удмурт Кенеш» огазеяськонлэн тӧроез, Удмуртиысь Кун Кенешлэн депутатэз

Семинаре пыриськыны мылкыд карисьёс юанъёссэс udmbilingva@yandex.ru электрон почтая ыстыны быгато.



Наверх
Вниз