Ижкар-12 °C
7 -тӥ южтолэзь 2021 Воскресенье
18+

Бесерман калыкез эскерисьёс люкаськозы Глазкаре тодосъя огъяросси конференцие

  • 711
  • 0
Глазкар / Удмуртия
Бесерман калыкез эскерисьёс люкаськозы Глазкаре тодосъя огъяросси конференцие
Туспуктэм: Григорий Фомин

20–21 оштолэзе Глазкарын «Бесерманъёслэн кылзы, историзы, лулчеберетсы: эскеронъёсъя югдур но луонлыкъёс» огъяросси конференци ортчоз. Отчы бесерман кылэз эскерисьёс, бесерман кылъя нырысетӥ кыллюкамлэн авторъёсыз, та калыклэн лулчеберетэз но йылолъёсыз сярысь книгаосты кылдытӥсьёс люкаськозы. Со сярысь ивортэ Глазкар пединститутлэн пресс-службаез.

Ужрад нырысьсэ огазеялоз пӧртэм ӧръёсъя ужась ӧнерчиосты - Россиысь, Австриысь, Германиысь но Эстониысь валтӥсь университетъёсысь но тодосъя центръёсысь кылчиосты, этнографъёсты, историкъёсты, крезьгурез, литератураез эскерисьёс, биологъёс но музейын ужасьёсты. 

Та нырысетӥез тодосъя конференци, кудӥз Удмуртилэн уйпал но шундыпуксён палаз гинэ улӥсь бесерманъёслэсь кылзэс, историзэс, ваньбурлыко но лулпушлыко культуразэс эскеронъёслэн емышъёсызлы сӥземын
Глазкарысь пединститутлэн пресс-службаез

Крезьгурез эскерисьёс конференциын бесерман крезьёс бордын ужамзы, музейысь ӧнерчиос фондъёсысьтызы бичетъёссы сярысь вералозы, историкъёс но этнографъёс выль шедьтэм ужкагазъёсты шараялозы. Литературоведъёс бесерман кылбурчилэн Михаил Федотовлэн творчествоез сярысь ивортон дасялозы. Бесерманъёс доры нимаз экспедициос 19-тӥ даурлэн шораз кутскемын но 21-тӥ даурын азьланьтӥсько, конференциын тодосъя кылёсбур сярысь но вераськон мыноз. 

Конференциын эскеронъёслы йылпумъянъёс лэсьтозы но азьланяз эскерыны кулэ луись ӧръёс сярысь кенешозы. Со трос пӧртэм ужпумъёс этнография, социально-культурной но физической антропология, кылтодон, литератураез, фольклорез, крезьгурез эскерон ӧръёсъя трос пӧртэм ужпумъёс.
Глазкарысь пединститутлэн пресс-службаез

Конференциез радъян понна Глазкар юнме быръемын ӧвӧл, пусъё пединститутлэн пресс-службаез. Ӵапак элькунлэн уйпал ёросэз бесерманъёслэн вордӥськем шаерзы луэ. Али ке но тросэз бесерманъёс Глазкарын уло но ужало. Нош Глазкар пединститутысь студентъёс практиказы дыръя та калык доры экспедициосы потало.

Ватсалом, ужрад ортчон нуналъёсы Глазкарысь институтын «Открытая академия» ӵектос улсын тодосчиосын пумиськонъёсы пыриськыны быгатозы. Озьы ик бесерман калыкен герӟаськем книгаосын но чеберлыко киужъёсын адӟытонъёс радъяськозы. 

«Бесерманъёслэн кылзы, историзы, лулчеберетсы: эскеронъёсъя югдур но луонлыкъёс» тодосъя огъяросси конференциез радъяло Ижкарысь Историяя, кылъя но литературая удмурт институт, Глазкарысь В. Г. Короленко нимо кун пединститут, Россиысь тодосъя академилэн Москваысь Кылтодонъя институтэз, Удмуртиысь бесерманъёслэн огазеяськонзы Удмуртиысь Йӧскалык политикая министерство юрттэмен. 



Наверх
Вниз