Ижкар-24 °C
6 -тӥ толсур 2021 Вордӥськон
18+

«Финн-угор калкъёслэн узырлыксы» калыккуспо форумын Удмуртиысь куать студентъёслэсь ужъёссэс вылӥ дунъязы

  • 702
  • 0
Йошкар-Ола / Россия
«Финн-угор калкъёслэн узырлыксы» калыккуспо форумын Удмуртиысь куать студентъёслэсь ужъёссэс вылӥ дунъязы
Туспуктэм: vk.com (Мир ФИННО-УГРИИ 2018)

Студентъёслэн «Финн-угор калыкъёслэн узырлыксы» витетӥ калыккуспо форумазы Удмурт кун университетысь куать дышетскисьёслэсь ужъёссэс вылӥ дунъязы. Йошкар-Олаын 24–26 куартолэзе радъяськем ужрадэ дышетсконниысь ваньмыз 29 студентъёс пыриськизы, вераз ивортодэтъя «Удмуртия» агентстволы УдГУ-ысь Удмурт кылосбуръя, финноугроведения но журналистикая институтлэн кивалтӥсез Наталья Кондратьева.

Солэн кылъёсызъя, форум улсын 10 секция ужаз. Удмуртиысь дышетскисьёс куатяз пыриськизы но витяз вормисьёс пӧлы шедизы. Пусъемъёс пӧлы историяя, фольклоръя, кылтодонъя, литератураез эскеронъя но ивортодэто технологиосъя ужъёс пыризы.

Нимъёсын ик луэ вераны. Историен со вал Каюмов Руслан. Фольклоръя но йылолъёсъя со вал Волкова Раиса. Кылтодонэн со вал Шестерникова Светлана. Литературоведениен нырысетӥ интыын луиз Лебедева Юлия, кыкетӥ интыын луиз Шихова Мария. Ивортодэтъя технологиосын луиз Князева Софья
Наталья Кондратьева, УдГУ-ысь Удмурт кылосбуръя, финноугроведения но журналистикая институтлэн кивалтӥсез

Со пусйиз, туэ асьсэ институтысь сяна, мукет факультетъёсысь но студентъёсты ужрадэ кыскыны тыршизы. Кылсярысь, удмурт делегацие пыризы экономика ӧнеръя дышетскисьёс, психология но педагогикая факультетысь студентъёс но библиотека ужъя дышетскисьёс. Дас секция пӧлысь витяз вормон асьме дышетӥсьёслэсь пӧртэм ӧръёсъя рос-прос ужамзэс возьматэ, пусйиз Наталья Кондратьева.

Тодэ вайытом, «Финн-угор калыкъёслэн узырлыксы» форум улсын финн-угор вузъёслэн кивалтӥсьёссы пумиськылӥзы. Соос дышетсконниослэсь кусыпъёссэс юнматон сярысь кенешизы

Нялтас вераса, студентъёслэн форумзы ортчон нуналъёсы ик Йошкар-Олаын «Мисс Студенчества Финно-Угрии - 2018» калыккуспо вожвылъяськон мынӥз. Отын Удмурт кун университетысь Удмурт кылосбуръя, финно-угороведения но журналистикая институтын кыкетӥ курсын дышетскись дышетскись Евгения Аркова вормиз



Наверх
Вниз