Ижкар+12 °C
10 -тӥ куартолэзь 2021 Вордӥськон
18+

Глазкарысь пединститутэз йылпумъям 247 егитъёс пӧлысь ӝыныезлэсь тросэз гуртъёсы ужаны мынӥзы

  • 405
  • 0
Глазкар / Удмуртия
Глазкарысь пединститутэз йылпумъям 247 егитъёс пӧлысь ӝыныезлэсь тросэз гуртъёсы ужаны мынӥзы
Туспуктэм: vk.com (ГГПИ им. Короленко/Мария Елькина)

Глазкарысь В. Г. Короленко кун пединститутэз 2018-тӥ арын 247 адями йылпумъяз, со пӧлысь 126 ӧнерчиос гуртъёсы ужаны мынӥзы. Со сярысь ивортэ Удмуртиысь дышетонъя но тодосъя министерстволэн пресс-службаез.

210 адями школаосы, нылпи садъёсы но пиналъёсын ужась дышетонъя мукет огазеяськонъёсы ужаны мынӥзы. Гуртъёсы 126 адями мынӥз. Удмуртие 222 ӧнерчиос кылизы, Глазкаре — 59. Эшшо 8 адями институтысь магистратураын дышетсконзэс азьланьтыны малпаз
Удмуртиысь дышетонъя но тодосъя министерстволэн пресс-службаез

Удысэтын ивортэмзыя, 28 выпускникъёс дышетсконниысь горд дипломъёсын потӥзы.

Озьы ик пусъемын куд-огез егитъёс кык но куинь диплом басьтӥзы. Соос бакалавриатлэн яке магистратуралэн программаосызъя дышетскизы, озьы ик ватсаса ӧнер басьтонъя яке нимысьтыз тодон-валанъёс басьтон программаосъя.

Инвожое Глазкарысь пединститутын вуоно ӧнерчиосты люкылон ортчиз. Выпускникъёс вуоно уж сётӥсьёсын — пӧртэм дышетсконниослэн кивалтӥсьёсынызы пумиськизы. Тросэз егитъёс асьсэлы ужан инты азьвыл ик бырйизы.

Ватсалом, институтэз йылпумъямзы сярысь дипломъёс туэ озьы ик басьтӥзы заочной амалэн дышетскисьёс, соос 37 вал.



Наверх
Вниз