Ижкар-3 °C
21 шуркынмон 2018 Вирнунал
16+

Бадӟым этнографи диктант нош ик калыккуспо луоз

  • 539
  • 0
Ижкар / Удмуртиын
Бадӟым этнографи диктант нош ик калыккуспо луоз
Туспуктэм: Никита Иванов

«Бадӟым этнографи диктант» огъяросси акци 2018-тӥ арын нош ик калыккуспо луоз. Туэ 2-тӥ шуркынмонэ ортчоно ужрадэ Россиысь улосвылъёс сяна, СНГ-е пырись Киргизия, Таджикистан, Молдова но мукет кунъёс пыриськозы. Со сярысь ужрадлэн сайтаз ивортэмын.

Кызьы шуэмын ивортонын, Россиын «Бадӟым этнографи диктант» куинетӥзэ радъяськоз ни. Мылкыд карисьёс пӧртэм выжы калыкъёсын герӟаськем тодон-валанъёссэс нимысьтыз площадкаосын эскерыны быгатозы. Со сяна, ужрадлэн нимлыко сайтаз онлайн-тестирование ортчоз. Кылем арын Росисысь но мукет кунъёсысь площадкаосын 367 сюрс адями диктантэз гожтӥз.

Диктантэ пыриськисьёслы 45 минут ӵоже 30 юанъёслы валэктон сётоно. Кызез со пӧлысь Россиысь калыкъёслэн историенызы но лулчеберетэнызы герӟаськем федерал юанъёс, дасэз —улосвыл юанъёс. Удмуртиын улӥсьёс, кылсярысь, элькунысьтымы калыкъёс сярысь тодонлыкъёссэс возьматозы.

Тодэ вайытом, Бадӟым этнографи диктантэз Россиын Удмуртиысь йӧскалык политикая министерстволэн кичӧлтэмезъя ортчытъяны кутскизы. Кылем арын пыриськисьёслэн лыдзыя элькунмы куинетӥ инты басьтӥз. Удмуртиын 200-лэсь ятыр площадкаын 9 сюрслэсь трос адями диктантэз гожтӥз, соос пӧлын улосвыллэн тӧроез Александр Бречалов но. Озьы ик 2017-тӥ арын элькунын «Бадӟым этнографи диктантлэсь» кырӟанзэ кылдытӥзы

Ватсалом, огъяросси акци Азьмуртлэн грантъёсъя фондэз юрттэмен радъяське.

Наши партнеры

Наверх
Вниз