Ижкар-5 °C
8 -тӥ южтолэзь 2021 Вордӥськон
18+

Тодосчиос Удмуртиын улэм вашкала адямилэсь туссэ улӟытӥзы

  • 448
  • 0
Кияса / Удмуртия
Тодосчиос Удмуртиын улэм вашкала адямилэсь туссэ улӟытӥзы
Туспуктэм: Алексей Нечвалода

Тодосчиос туала Удмуртиысь Кияса ёрослэн интывылаз мазунин культура вакытэ улэм адямилэсь туссэ улӟытӥзы. Сое Выль Тӥгырмен палась шайысь шедьтэм лысьӧмъёс вылэ пыкъяськыса лэсьтӥзы. Ужъемышсэс «Вестник Удмуртского университета» журнал поттӥз.

Миол (Шихостанка) шурлэн паллян палысьтыз ярдурысь шаез 2009-тӥ арын усьтӥзы. Гудон-утчан ужъёсын Удмурт кун университетысь профессор Елизавета Черных кивалтӥз.

«Мазунин культура вакытысь адямилэсь туссэ пластика амалэн улӟытон понна 128-тӥ шайгуысь воргоронлэн йыркобыэз басьтэмын. Пиосмурт мечен ватэмын, со профессиональной ӧнерчи луэмзэ возьматэ», - верамын ивортонын.

Вашкала адямилэсь йыркобызэ Россиысь тодосъя академилэн Уфаысь Эскеронъёсъя федерал центрысьтыз ӧнерчи Алексей Нечвалода лэсьтӥз.

Тодэ вайытом, азьвылгес тодосчиос Удмуртиын улӥсь вашкала нылкышнолэсь туссэ улӟытӥзы. Экспонат Глазкарысь «Иднакар» музейын утиське. 



Наверх
Вниз