Ижкар-24 °C
6 -тӥ толсур 2021 Вордӥськон
18+

Глазкар пединститутысь студентъёс кунсьӧр кылъёсты дышетонъя улосвыл олимпиадаын вормизы

  • 549
  • 0
Саранск / Россия

Глазкарысь В.Г. Короленко нимо пединститутысь студентъёс Кунсьӧр кылъёсты дышетон амалъёсъя улосвыл олимпиадаын вормизы. Историяя но лингвистикая факультетысь 4 нылъёс пӧртэм номинациосъя вормисьёс но призёръёс луизы. Ужрадлэн йылпумъясь люкетэз Саранскын 11-тӥ толсуре ортчиз, ивортэ дышетсконнилэн пресс-службаез.

Куинетӥ курсын дышетскись Алёна Ахметсафина немец кылъя возьматэм урокез понна нырысетӥ инты басьтӥз. Соин ӵош дышетскись Дарья Будина та номинациын ик куинетӥ луиз. Озьы ик витетӥ курсын дышетскисьёсты но пусйизы: Анна Павлова англи кылэз дышетонъя куинетӥ инты басьтӥз, нош Юлия Тетерина «Педагогический артистизм» номинациын устоез луиз. Студентъёсты дасямзы понна дышетӥсьёссы таукаронъёс басьтӥзы.

Кунсьӧр кылъёсты дышетон амалъя улосвыл олимпиада кык люкетэн ортчиз. Дистанционной люкетаз студентъёс интерактив лекцилэсь конспектсэ келязы, очнояз – кунсьӧр кылъя кылдытэм уроксэс 1-2 курсын дышетскисьёс понна ортчытӥзы.

Ватсалом, вожвылъяськонэ Удмуртиысь, Чувашиысь, Мордовиысь, Пензаысь, Коломнаысь но мукет улосвылъёсысь вузъёсын дышетскисьёс пыриськизы. 



Наверх
Вниз