100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Бадӟым классъёслы удмурт кылъя учебникъёс дась Удмуртиын

  • 330
  • 0
Ижкар / Удмуртия
Бадӟым классъёслы удмурт кылъя учебникъёс дась Удмуртиын

Удмуртиын 10-тӥ но 11-тӥ классъёсын дышетскисьёслы удмурт кылъя учебник дась. Со сярысь ивортодэтъя «Удмуртия» агентстволы Дышетон удысысь йӧскалык ужпумъёсты эскеронъя тодос институтлэн кивалтӥсез Надежда Ураськина вераз.

Учебник бордын элькунысь Дышетонэз азинтонъя институтысь ёзэтлэн кивалтӥсез Любовь Вахрушева, Дышетон удысысь йӧскалык ужпумъёсты эскеронъя тодос институтлэн кивалтӥсез Надежда Ураськина но Удмурт кун университетысь кафедраен кивалтӥсь Надежда Тимерханова ужазы. Кун куремъя быдэстэм «Удмурт кыл» учебникъя кенешонын 21-тӥ толсуре сое умоен дунъязы но поттыны дэмлазы.

Вуоно арын ми издательствоен ужаломы со учебникъя. Пушкамы учкимы ми учебно-методической кенешын, умоен лыдъям, ваньмыз лэсьтэмын шуыса, госзадание быдэстэмын
Надежда Ураськина, Дышетон удысысь йӧскалык ужпумъёсты эскеронъя тодос институтлэн кивалтӥсез

Солэн кылъёсызъя, учебниклэн электрон версиез но вань. 2019-тӥ арын методикая пособие кылдытыны чаклало. Но книгаос партаос вылэ вуытозь, соосты федерал перечне пыртыны кулэ, пусъе Надежда Ураськина. Соин ик вуоно арын сӥзьыл яке солэсь азьвыл удмурт кылъя учебникез эскеронлы дасялозы.

Пусъём, али 10-тӥ но 11-тӥ классъёсын удмурт кылэз уг дышето, программаосы удмурт литература гинэ пыртэмын.

Бадӟым классъёсын удмурт кыл воксё ӧй вал. Та нырысетӥ учебник федерал кун стандартъя али. Азьвыл литература гинэ вал. Тани туэ арысен ми «Удмурт кыл» но кылдытӥмы
Надежда Ураськина, Дышетон удысысь йӧскалык ужпумъёсты эскеронъя тодос институтлэн кивалтӥсез

Ватсалом, та ар ӵоже институтысь ӧнерчиос озьы ик удмурт литературая учебникез федерал куронъёсъя выльдӥзы, шор школаысь дышетӥсьёслы нырысетӥзэ дунъян сӧзнэт гожтӥзы. 

Тодэ вайытом, Удмурт кыллэн дунневыл нуналаз Ижкарын удмурт кылъя но литературая электрон учебникъёсын тодматӥзы



Наверх
Вниз