Ижкар-12 °C
7 -тӥ южтолэзь 2021 Воскресенье
18+

Ижкарысь гурт возёсъя академиысь 14 ӧнерчиос Германие дышетскыны ветлӥзы

  • 395
  • 0
Ижкар / Удмуртия
Ижкарысь гурт возёсъя академиысь 14 ӧнерчиос Германие дышетскыны ветлӥзы
Туспуктэм: Удмуртиысь дышетонъя но тодосъя министерстволэн пресс-службаез

Ижкарысь гурт возёсъя кун академиысь 14 ӧнерчиос Германие дышетскыны ветлӥзы. DEULA-Nienburg дышетон центрын ужрад 10-18 толсуре ортчиз. Со сярысь ивортодэтъя «Удмуртия» агентстволы вузысь агроинженерной факультетысь кафедралэн кивалтӥсез, техника тодосъя кандидат Анатолий Спиридонов вераз.

Солэн кылъёсызъя, Германие вуылыкузы, дышетӥсьёслы азьмынӥсь гурт возёс техникаез возьматӥзы. Ӧнерчиос адӟизы, кызьы со машинаосын компьютер пыр ужано. Та тӥрлык асьме дорын но кутӥське, но немец гуртоослэн сыӵе автоматика техниказы тросгес, шуэ Анатолий Спиридонов.

Асьмелэн туж ӧжыт на ӧнерчиос, кудъёсыз валало шонер сое настроить карыны. А малы асьмелэн сыӵе ӧнерчиосмы ӧжыт, малы ке шуоно техника ӧжытгес на. Но со техника выльдӥське, вуэ калленэн
Анатолий Спиридонов, Ижкарысь гурт возёсъя академиысь кафедралэн кивалтӥсез

Кызьы вераз техника тодосъя кандидат, туннэ нуналлы Гурт возёсъя академиын механикъёсты, электрикъёсты но автоматизацияя ӧнерчиосты нимаз дасяло. Нош али удысэ мехатроникаез пырто, соин ик кулэ сыӵе ӧнерчиос, кудъёсызлэн вань та куинь ӧръёсъя тодон-валанъёссы луозы. Азьланяз дышетсконниын таӵе ӧрез усьтыны чаклало.

Анатолий Спиридонов пусъе, техника ласянь Удмуртия Германилэсь кыдёке уг кыльы. Нош гурт возёсын кутӥськись амалъёсты учконо ке, асьмеос немецъёсын огкадь мынӥськом.

Ватсалом, Ижкарысь гурт возёсъя кун академиысь ӧнерчиос кунгож сьӧры выль тодон-валанъёс басьтыны арлы быдэ ветло.

Тодэ вайытом, Удмуртиысь гурт возёслы ӧнерчиосты дасясь дышетсконни туэ 75 ар тырмемзэ пусйиз



Наверх
Вниз