Ижкар+9 °C
16 -тӥ куарусён 2021 Покчиарня
18+

Удмурт дышетскисьёслы проектной офислэн ӵектосэз огъяросси конкурсын грант утӥз

  • 627
  • 0
Ижкар / Удмуртия
Удмурт дышетскисьёслы проектной офислэн ӵектосэз огъяросси конкурсын грант утӥз
Туспуктэм: Майя Бывальцева

Удмуртиысь «Проектный офис удмуртских школьников» ӵектос Егитъёслэн ӵектосъёссыя Росмолодёжь огъяросси конкурсын вормисе потӥз. Со сярысь Россиысь егитъёсын ужанъя федерал агентстволэн нимлыко сайтаз ивортэмын.

«Проектный офис удмуртских школьников» ӵектослэн кивалтӥсез Ижкарысь Кузебай Герд нимо гимназиысь ватсаса тодон-валан сётӥсь дышетӥсь Юлия Шахтина луэ. Огъяросси вожвылъяськонын вормон ӵектосэз азинтыны 150 сюрс манет грант басьтыны луонлык сётӥз. Со сяна, Удмуртиысь конкурсэ пыриськем эшшо 16 ӵектосъёслы коньдонэн юрттэт висъялозы. Оглом 6 миллион манет вуоз.

Россиысь егитъёсын ужанъя агентстволэн вожвылъяськонэз 28 оштолэзьысен 29-тӥ куартолэзёзь мынӥз. Оглом 85 улосвылъёсысь 8 сюрс 611 ӵектосъёсъя куриськон вуиз. Дунъясьёслэн ӧризылэн йылпумъянъёсызъя егитъёслэн 820 кичӧлтонъёссылы дурбасьтӥзы

Тодэ вайытом, «Проектный офис удмуртских школьников» ӵектос туэ оштолэзьысен ужзэ мытӥз. Отын пиналъёсты ӵектосъёс бордын ужаны, малпанъёссэс улонэ пыӵатыны дышето. Со сяна проектной офисын мерлыко ужпумъёсты ӝутыны, улосвыл но йӧскалык лулчеберетэз азинтон, удмуртлыкен герӟаськем ӵектосъёс кылдытъяны чакламын. Кемалась ик ӧвӧл, ӵектос «Моя страна – моя Россия» вожвылъяськонлэн финалаз потӥз шуыса тодмо луиз.



Наверх
Вниз