Ижкар+10 °C
19 -тӥ куарусён 2020 Кӧснунал
18+

157 «Будон интыос» ужаны кутскозы дышетон удысын Удмуртиысь гурт ёросъёсын

  • 479
  • 0
Ижкар / Удмуртия
157 «Будон интыос» ужаны кутскозы дышетон удысын Удмуртиысь гурт ёросъёсын
Туспуктэм: Удмуртиысь Дышетонъя но тодосъя министерстволэн пресс-службаез

«Дышетон» йӧскалык ӵектос улсын Удмуртиысь гурт ёросъёсын 2022-тӥ арозь 157 «Будон интыос» («Точки роста») ужаны кутскозы. Со сярысь элькунысь Дышетонъя но тодосъя министерстволэн пресс-службаез ивортэ.

Дышетон» йӧскалык ӵектослэн «Туала школа» федерал ӵектосэз улсын 2020-тӥ арын Удмуртиысь гурт ёросъёсын «Будон интыос» ужаны кутскозы, ӵектос карысь но гуртъёсысь, каргуртъёсысь школаослэсь виссэс пичиятон вылысь малпамын
Удмуртиысь Дышетонъя но тодосъя министерстволэн пресс-службаез

«Будон интыосын» «Технология», «Информатика», «ОБЖ» тодметъёсъя кылдытэм дышетон программаосъя одӥг кадь уж мыноз. Центръёсын IT-технологиосъя, медиатворчествоя, шахматъя, ӵектосъёсын ужанъя ватсаса тодон-валанъёс сётозы, озьы ик лулчеберетъя мерлыко ужрадъёс радъяськозы.

Нуналлэн нырысетӥ ӝыныяз пиналъёс куинь вылӥ верам тодметъёсъя урокъёсы ветлозы, собере ужъя шудонъёс, треннингъёс луозы. Выль тодонлыкъёс басьтэм сяна, пиналъёс кенешыны, азьланелзы ужпумъёс пуктыны, аспӧртэм малпанъёссэс шараяны, сюлмаськытӥсь югдурысь потыны дышетскозы.

Оглом Удмуртия «Дышетон» йӧскалык ӵектосъя улосвыл ӵектосъёслы федерал субсидиос басьтон понна укмыс вожвылъяськонъёсы куриськон сётӥз. Ваньмаз вормиз но табере утэм субсидиос «Современная школа», «Цифровая образовательная среда», «Успех каждого ребенка», «Молодые профессионалы» но «Учитель будущего» улосвыл ӵектосъёсты азинтыны луонлык сётозы. 



Наверх
Вниз