Ижкар+18 °C
24 гудырикошкон 2019 Кӧснунал
16+

10 сюрс пиналъёс мынозы нырысетӥ классэ Ижкарысь школаосы 2019-тӥ арын

  • 492
  • 0
Ижкар / Удмуртия
10 сюрс пиналъёс мынозы нырысетӥ классэ Ижкарысь школаосы 2019-тӥ арын
Туспуктэм: Григорий Фомин

2019-тӥ арын 1-тӥ куарусёнэ Ижкарысь школаосы нырысетӥ классэ 10 сюрс пиналъёс мынозы. Кылем арен ӵошатыса, со 1 сюрс адямилы тросгес, ивортэ кар администрацилэн пресс-службаез.

12 школаосын ватсаса 24 нырысетӥ классъёс усьтозы – со 602 выль дышетскон интыос. Со понна кар коньдэтысь 6 миллион 800 сюрс манет висъязы

Выль дышетскон арын школае мынӥсьёслэн оглом лыдзы туэ 2 сюрс 500 адямилы тросгес луэ, партаос сьӧры 74 сюрслэсь трос нылъёс но пиос пуксёзы.

Ижкар администрациысь дышетонъя управленилэн кивалтӥсез Светлана Петрова верамъя, школаосын куриськонъёсты кутон мынэ на. 5-тӥ куарусёнозь дышетсконни борды юнматымтэ интывылын улӥсь пиналъёсты кутозы.

Пусъём, та дыре Ижкарын кык школа пукто. 2019-2020 дышетон арын 825 интылы чаклам 20 номеро школа усьтӥськоз (Леваневский нимо урам, 2а). Со чугун сюрес вокзал палась микрорайонын дышетскон интыосын шугъяськонэз палэнтыны юрттоз. Отысь 10 номеро школаын одӥг сменаен дышетонэ выжозы. Со сяна, 17 номера школаез кӧня ке бушатозы, али отчы чакламлэсь ог кык поллы тросгес пиналъёс ветло.

2020-тӥ арын Архитектор Берш нимо ульчаын выль школаез усьтозы. Отчы 1 сюрс 200-лэсь трос пиналъёс мынозы.  

Тодэ вайытом, Удмуртиысь дышетон огазеяськонъёслэн выль дышетскон арлы дасьлыксы 1-тӥ гудырикошконлы 83 процент вал.

Наши партнеры

Наверх
Вниз