Ижкар+18 °C
24 гудырикошкон 2019 Кӧснунал
16+

Удмурт кылэз дышетӥсь нылпиослэн «Выжы-выжы-выжыкыл» фестивальзылэн быръён люкетэз ортчиз Ижкарын

  • 351
  • 0
Ижкар / Удмуртия
Удмурт кылэз дышетӥсь нылпиослэн «Выжы-выжы-выжыкыл» фестивальзылэн быръён люкетэз ортчиз Ижкарын
Туспуктэм: vk.com (Удмурт нылкышно кенеш / Мария Одинцова)

Ижкарын удмурт кылэз дышетӥсь нылпи садъёсысь пиналъёс пӧлын «Выжы-выжы-выжыкыл» фестиваль-вожвылъяськонлэн нырысетӥ люкетэз ортчиз. Со сярысь ужрадэз радъясь «Удмурт нылкышно кенеш» огазеяськонлэн «ВКонтакте» мерлыко вотэсысь огиназ ивортэмын.

Огазеяськонлэн кивалтӥсез Надежда Степанова верамъя, туэ фестивалез гужем гинэ радъяны быгатӥзы, соин ик вожвылъяськыны Ижкарысь гинэ нылпи садъёсты ӧтизы.

Но ужрадэ пыриськыны Пичи Пурга ёросысь нылпи сад но мылкыдзэ вераз на. Азьвыл нылпиос финн-угор выжы калыкъёслэсь выжыкылъёссэс возьматъязы ке, туэ уже кутӥзы Удмуртиын улӥсь калыкъёслэсь выжыкылъёссэс
Надежда Степанова, «Удмурт нылкышно кенеш» огазеяськонлэн тӧроез

Фестиваль туэ тямысэтӥзэ радъяськиз ини. Нылпиос удмурт, ӟуч, бигер, армян, таджик но мукет калыкъёслэсь выжыкылъёссэс пуктӥзы. Вожвылъяськонлы дасяськон улсын пиналъёс Удмуртиысь выжы калыкъёслэн огазеяськонъёсысьтызы адямиосын тодматскизы, сиён-юонзы, дӥськутсы, сям-йылолъёссы сярысь тодӥзы.

Вожвылъяськонлэн быръён люкетаз Ижкарысь нылпи садъёс 15 выжыкыл возьматӥзы. Со пӧлысь укмыс устозэ 27-тӥ гудырикошконэ Калыкъёслэн эшъяськон юртазы фестивальлэн финалаз адӟыны луоз. 

Наши партнеры

Наверх
Вниз