Выль дышетскон арлы сӥзем ужрадъёс Удмуртиысь школаосын 2-тӥ куарусёнэ ортчозы

  • 615
  • 0
Ижкар / Удмуртия
Выль дышетскон арлы сӥзем ужрадъёс Удмуртиысь школаосын 2-тӥ куарусёнэ ортчозы
Туспуктэм: Григорий Фомин

Таяз арын 1-тӥ куарусён шутэтскон нуналлы тупа бере, Удмуртиысь школаосын выль дышетскон ар 2-тӥ куарусёнэ кутскоз. Со сярысь элькунысь дышетонъя но тодосъя министр Светлана Болотникова «ВКонтакте» мерлыко вотэсысь бамаз ивортэ.

Туэ элькунысь 23 сюрс пала пиналъёс нырысетӥ классэ мынозы.

Таяз арын нырысетӥ классэ мынӥсьёс, кылем арен ӵошатыса, 1 сюрс 500-лы тросгес! Ми 22 сюрс 969 адями лыдъямы
Светлана Болотникова, Удмуртиысь дышетонъя но тодосъя министр

Сяме пыремъя, нырысетӥ классэ мынэм пиналъёслы Удмуртиысь циркын возьматонъёс радъялозы. Светлана Болотниковалэн ивортэмезъя, 4-9 куарусёнэ 15 возьматонъёс ортчозы.

Элькунысь гурт ёросъёсысь но мукет каръёсысь дышетскисьёс Ижкаре школа автобусъёсын лыктозы, соос Кун автоинспекциысь ӧнерчиос келяса мынозы. Сьӧрлось вуэм пиналъёсты пӧсь сиёнэн сюдозы, вань первоклассникъёслы мороженой кузьмалозы
Светлана Болотникова, Удмуртиысь дышетонъя но тодосъя министр

Пусъём, нырысетӥ классэ мынӥсьёслы цирк возьматонъёс туэ 17-тӥзэ ортчозы ни.

Тодэ вайытом, сӥзьыл элькунысь дышетсконниосын Удмуртилэн Кункатэзлы сӥзем парламент урокъёс ортчозы. Ватсалом, Удмуртстат ивортэмъя, туэ нылпилы школае мыныны дӥськут шорлыдын 250 манетлы дунтэмаз.

Наши партнеры

Наверх
Вниз