Ижкар+5 °C
17 коньывуон 2019 Покчиарня
16+

Выль дышетскон арлы Удмуртиысь ваньмыз школаос дась

  • 435
  • 0
Ижкар / Удмуртия
Выль дышетскон арлы Удмуртиысь ваньмыз школаос дась
Туспуктэм: Алексей Арзамасцев

Удмуртиысь ваньмыз школаос выль дышетскон арлы дась. Со сярысь 20-тӥ гудырикошконэ улосвыл кивалтэтысь шимучыръёсты алонъя но тылпулэсь утиськонъя ӧрилэн кенешоназ веразы, ивортэ элькун тӧролэн но кивалтэтлэн пресс-службазы.

Таяз арын 1 сюрс 299 дышетон огазеяськонъёсын выль дышетскон арлы дасьлыкез эскеризы. Ваньмыз ужъюртъёс кутэмын

Кызьы вераз Удмуртиысь дышетонъя но тодосъя министр Светлана Болотникова, выль дышетскон ар азьын дышетсконниосты пиналъёсты пумитанлы но шуныт сётон вакытлы дасян элькунын рос-прос мынӥз. Уже вань ёзъёс но удысэтъёс пыриськизы, федерал, элькун но интыысь коньдэтъёсысь уксё кутӥзы. 

Дышетсконниосты рос-прос тупатъяны элькун коньдэтысь 1 миллиард 132 миллион 506 сюрс манет висъязы. Мерлыко ужъюртъёсты, со пӧлын дышетон огазеяськонъёсты шуныт сётон вакытлы но выль дышетскон арлы дасянлы 32 миллион манет сётӥзы. Со сяна, уксё муниципал кылдытэтъёслэн коньдэтъёсазы чакламын.

Таяз арын гуртъёсысь 25 школаосын спортазлъёсты тупатъялозы.

Туннэ нуналлы ваньмаз дышетсконниосы тылпу сярысь ивор сётӥсь тӥрлык но видеокамераос пуктэмын. 82 процентсэ ужъюртъёсты Россиысь кунпуш ужъёсъя министерстволэн (Росгаврдилэн) улосвыл ёзэсъёсыз утё, 77 огазеяськонъёс нимаз возьмаськись предприятиосын огкылъёс юнматӥзы.

Тодэ вайытом, учебникъёс басьтыны таяз арын 122 миллион манет висъязы, со пӧлысь 3 миллион манетэз – анай кылъя книгаослы.

20-тӥ гудырикошконысен 20-тӥ куарусёнозь дышетсконниосын «Пиналъёслэн кышкыттэмлыксыя толэзь» элькун ужрад ортчытыны чакламын.

Выль дышетскон ар кутскон азьын вань школаосты, вӧзысьтызы пуктӥськемъёсты но интывылъёсты эшшо одӥг пол эскерозы на

Тодэ вайытом, таяз арын 1-тӥ куарусён шутэтскон нуналлы тупа бере, Удмуртиысь школаосын выль дышетскон ар 2-тӥ куарусёнэ кутскоз. Нырысетӥ классэ мынӥсьёслы, нош туэ соос элькунын 23 сюрс пала, Ижкарысь циркын нимысьтыз возьматонъёс ортчозы. 

Наши партнеры

Наверх
Вниз