Ижкар+5 °C
21 куарусён 2019 Кӧснунал
16+

Удмурт кылэз электрон учебникъёсъя дышетыны луонлык кылдоз Удмуртиын

  • 554
  • 0
Ижкар / Удмуртия
Удмурт кылэз электрон учебникъёсъя дышетыны луонлык кылдоз Удмуртиын

Удмуртиын удмурт кылэз электрон учебникъёсъя дышетыны луонлык кылдоз. Со сярысь элькунысьтымы Дышетонъя но тодосъя министерстволэн пресс-службаез ивортэ.

Кылем арын толсуре учебникъёсын федерал лыдметэ 1-4 классъёслы удмурт кылъя но литературая лыдӟиськонъя учебникъёсын куинь бичетъёс пыртэмын вал. 5-9 классъёслы 15 пӧртэм учебникъёс федерал эскеронъёс пыр потыны дасямын. Со выль куронъёсъя ортчоз. Россиысь просвещения министерствоен юнматэм куронъёсъя, котькуд печатлам учебник вӧзы солэн электрон формаез кылдытэмын луыны кулэ, озьы ик дышетӥсьлы методикая пособиез. Туэ сыӵе уж 10-11 классъёслы учебникъёсъя йылпумъямын луоз.

Учебникъёсты федерал лыдметэ пыртытозь дышетон уже дышетонъя пособиосты куто.

Электрон учебникъёсты школаосы вуттон радлыкез эскерон вылысь 2019-тӥ арын элькунысьтымы дышетон юртъёс удмурт кылъя но литературая учебникъёслэсь электрон формаоссэс одӥг арлы дунтэк басьтыны быгатозы. Соосты школаослэн вазиськемзыя кылдытӥсез – Удмуртиысь Йӧскалык дышетонъя тодосъя но эскеронъёсъя институт – келялоз

Удмуртиысь дышетонъя но тодосъя министерство арысь аре элькунысь школаосты анай кылъя но литературая учебникъёсын тырмытон бордын ужа. Школа лыдӟетъюртъёс оглом 7 сюрс 942 тиражен 3 миллион 263 сюрс манет тыр покчи классъёслы удмурт кылъя но литература лыдӟиськонъя, бигер кылъя но литературая, пор кылъя учебникъёсын узырмизы

Наши партнеры

Наверх
Вниз