Ижкар+5 °C
21 куарусён 2019 Кӧснунал
16+

23 сюрс пала пиналъёс нырысетӥ классэ мынӥзы Удмуртиын

  • 509
  • 0
Ижкар / Удмуртия
23 сюрс пала пиналъёс нырысетӥ классэ мынӥзы Удмуртиын
Туспуктэм: Руслан Нуриахметов

2-тӥ куарусёнэ Удмуртиын 182 сюрслэсь трос пиналъёс школае мынӥзы, со пӧлысь 22 сюрс 969-эз – нырысетӥ классэ. Со сярысь улосвыл тӧро дорын ортчем аппарат кенешонын элькунысь дышетонъя но тодосъя министр Светлана Болотникова ивортӥз.

Выль дышетскон арлэн нырысетӥ нуналаз Удмуртиысь 689 дышетон юртъёсын линейкоас ортчизы. Отчы 450 сюрс пала пиналъёс но 400 сюрс бадӟымъёс пыриськизы. Эрикрадэз 1 сюрс пала полицейскойёс но мер огазеяськонъёслэн ёзчиоссы утизы.

2-тӥ куарусён шимучыръёстэк ортчиз. Со асьме пиналъёс понна туж бадӟым праздник. Милям школаосын Михаил Хомичен (Удмуртиысь кивалтэтлэн тӧроезлэн воштӥсез – ред.) шахматэн шудонъя турниръёс но пӧртэм тунсыко ужрадъёс ортчизы
Светлана Болотникова, Удмуртиысь дышетонъя но тодосъя министр

Со сяна, вылӥ дышетсконниосы 42 сюрс 966 студентъёс но шоръёзо ӧнер дышетсконниосы 37 сюрс 233 студентъёс мынӥзы. 

Тодэ вайытом, 2-тӥ куарусёнэ Алнаш шоръёзо школалэсь 500 интылы выль юртсэ усьтӥзы. 2019-тӥ ар пумозь Удмуртиын эшшо куинь школаосты вуттозы.

Наши партнеры

Наверх
Вниз