Ижкар+5 °C
21 куарусён 2019 Кӧснунал
16+

Удмурт кылъя туала дышетӥсь луон сярысь вераськизы Ижкарын

  • 512
  • 0
Ижкар / Удмуртия
Удмурт кылъя туала дышетӥсь луон сярысь вераськизы Ижкарын
Туспуктэм: Удмуртиысь лулчеберетъя но туризмъя министерстволэн пресс-службаез

Удмуртиысь йӧскалык лыдӟетъюртын дышетӥсьёслэн сяме пырем гудырикошкон конференцизы улсын Ижкарысь удмурт кылъя но литературая дышетӥсьёслэн секцизылэн «Современный учитель удмуртского языка: личность и профессиональная деятельность» темая пумиськонэз ортчиз. Со сярысь Удмуртиысь лулчеберетъя но туризмъя министерстволэн пресс-службаез ивортэ.

Секцие пыриськисьёсты Удмуртиысь йӧскалык лыдӟетъюртлэн кивалтӥсезлэн воштӥсез Анна Семёнова пумитаз.

Лыдӟетъюрт трос пӧртэм ресурсъёс сётэ, кудъёсыз удмурт кылъя дышетӥсьёслы туж умой юрттэт луыны быгато: со йӧскалык электрон библиотека, «Воршуд» интернет-ӵектос, «Туала удмурт гожъясьёс» указатель, виртуальной справочной служба. Асьмеос ваньмы ивортодэт но югдытон ужез быдэсъяськом
Анна Семёнова, Удмуртиысь йӧскалык лыдӟетъюртлэн кивалтӥсезлэн воштӥсез
 

Секциын дышетӥсьлэн туала школаын интыез сярысь вераськизы. Дышетӥсьёс практикая уж быдэстӥзы: туала дышетӥсьлэсь валтӥсь тодметъёссэ гожтӥзы.

Удмурт кылъя дышетӥсь Людмила Фазлеева удмурт кылъя валтӥсь кун экзаменлэн пуштросэз сярысь вераз, дышетскисьёслэн экзаменлы дасяськонзы дыръя пумиськись шуг-секытъёсты пусйиз, кылсярысь, материал тырмымтэез но ужъёсын инъет ӧвӧлтэмез.

Люкаськемъёслы тужгес тунсыко потӥз 56 номеро гимназиысь удмурт, финн, англи кылъёслы дышетӥсьлэн Анастасия Григорьевалэн но удмурт, финн кылъёслы дышетӥсьлэн Татьяна Юминалэн возьматонзы. Соос удмурт кылъя урокъёсын электрон ресурсъёсты кутон амалъёсын тодматӥзы. Дышетӥсьёс дышетскись кариськыны но тодон-валанзэс шудон программаос пыр эскерыны быгатӥзы

«Гармония – школа №97» дышетон юртысь удмурт, англи кылъёслы дышетӥсь Вероника Иванова «Анай кыллы устоез дышетӥсь» элькун конкурсэ пыриськемез сярысь вераз. Со конкурс эскеронъёслэсь пуштроссэс шараяз но вераз, кыӵе ужкагазъёс кулэ отчы пыриськон понна.

Со сяна, Йӧскалык лыдӟетъюртысь ӧнерчи, кылосбур тодосъя кандидат Лариса Дмитриева литератураын туала воштӥськонъёсын тодматӥз но лыдӟетъюртлэн фондаз нылпиослы гожъясь удмурт кылбурчиен Герман Ходыревен, Удмуртиысь калык гожъясен Вячеслав Ар-Сергиен, удмурт литературоведэн Фома Ермаковен, экономи тодосъя докторен, профессорен Юрий Перевощиковеннимаз адямиосын кузьмам бичетъёс сярысь вераз.

Тодэ вайытом, 1-тӥ гудырикошконэ Удмуртиысь Дышетонэз азинтонъя институтын анай кыллы дышетӥсьёслэн «Методическое объединение как ресурс профессионального развития учителя родного языка и литературы» семинарзы ортчиз

Наши партнеры

Наверх
Вниз