Ижкар+15 °C
18 -тӥ куарусён 2020 Удмуртарня
18+

Кун экзаменъёс сётон вакытэз юнматӥзы 2020-тӥ арын школаосты йылпумъясьёслы

  • 497
  • 0
Ижкар / Удмуртия
Кун экзаменъёс сётон вакытэз юнматӥзы 2020-тӥ арын школаосты йылпумъясьёслы
Туспуктэм: Григорий Фомин

Дышетонъя но тодосъя удысын чакланъя федерал служба 2020-тӥ арын огъя кун экзамен, валтӥсь кун экзамен, йылпумъян экзамен сётон вакытэз юнматӥз. Огъя кун экзаменэз сяме пыремъя ини куинь вакытлы люкыса ортчытозы. Со сярысь элькунысьтымы дышетонъя но тодосъя министерстволэн пресс-службаез ивортэ.

Огъя кун экзаменэз сётон нырысетӥ вакыт – дырызлэсь вазь – 20-тӥ южтолэзьысен 13-тӥ оштолэзёзь кыстӥськоз, кыкетӥ – валтӥсь – вакыт 25-тӥ куартолэзьысен 29-тӥ пӧсьтолэзёзь радъяськоз, куинетӥ – ватсаса вакыт – 7-24 куарусёнэ

Дырызлэсь вазь огъя кун экзамен сётон вакыт географияя но литературая экзаменъёс бордысен кутскоз, валтӥсь вакыт – географияя, литературая но информатикая экзаменъёс бордысен. Со сяна обществознаниея экзаменэз мукет тодметъёсын одӥг нуналэ сётозы: дырызлэсь вазь вакытэ информатикаен ӵош, валтӥсь вакытэ – химиен ӵош.

Огъя кун экзаменлэн валтӥсь вакытэз дыръя экзаменъёсты ортчытонъя ӵектос экзамен сётон нуналъёс вискын кык нунал ке но вис мед луоз шуыса чакламын. Сыӵе вазиськонъёсын ми доры школаез йылпумъясьёслэн анай-атайёссы вазиськылӥзы
Сергей Кравцов, Рособрнадзорлэн кивалтӥсез

Пиналъёс, кудъёсызлэн экзамен сётон нуналъёссы одӥг нуналэ тупазы, резерв нуналъёсы гожтыны быгато

Озьы ик валтӥсь тодметъёсъя экзамензэс нырысетӥ но кыкетӥ пол гожтыны быгатымтэос 7-24 куарусёнэ гожтыны быгато.

9-тӥ классъёсты йылпумъясьёс но валтӥсь кун экзаменэз куинь вакытэ сётыны быгато: дырызлэсь вазь – 21-тӥ оштолэзьысен 16-тӥ куартолэзёзь, валтӥсь вакытэ – 22-тӥ куартолэзьысен 30-тӥ инвожоозь но ватсаса вакытэ – 7-21 куарусёнэ

11-тӥ классъёсын дышетскисьёслэсь йылпумъян кун аттестацие пыриськыны вазиськонъёссэс 2020-тӥ арын 1-тӥ тулыспалозь кутозы, 9-тӥ классъёсты йылпумъясьёслэсь – 2020-тӥ арын 1-тӥ южтолэзёзь.



Наверх
Вниз