Ижкар+13 °C
16 -тӥ гудырикошкон 2020 Воскресенье
16+

Удмурт кылъя факультативъёс ужаны кутскизы Пермь шаерын

  • 667
  • 0
Пермь / Россия
Удмурт кылъя факультативъёс ужаны кутскизы Пермь шаерын
Туспуктэм: Григорий Фомин

Пермь шаерын удмурт но пор кылъёсъя факультативъёс ужаны кутскизы. Со сярысь Ижкарысь Калыкъёслэн эшъяськон юртсылэн пресс-службаез ивортэ.

Пермь улосвылысь дышетонъя министрлэсь ужъёссэ быдэсъясь Наталья Зверева удмурт но пор кылъёс кык ар ӵоже ӧз дышетӥськем ини шуыса пусйиз. Нош туэ выльысь факультатив чотын дышетонэ пыртэмын. Пор кылэз Суксун ёросысь огаз школаын дышето, удмурт кылэз – Куеда ёросын

Туннэ нуналлы анай кылъёсты шаерысь 15 муниципал кылдытэтъёсын 68 дышетӥсьёс дышето. Удмурт но пор кылъёсты пыртытозязы, калык бигер но коми-пермяк кылъёсты гинэ бырйыны быгатылӥз.

2019-тӥ арын Пермь шаерысь дышетонъя министерство йӧскалык лулчеберет ӧрез ас бурд улаз басьтӥз. Наталья Зверева верамъя, удысэт удмурт но пор кылъёсты дышетонэз школае пыртон понна юрттэт сётыны дась.

Пусъём, 2010-тӥ арын калыкез лыдъян-чотанъя Пермь шаерын 20 сюрс 819 удмуртъёс но 4 сюрс 121 поръёс уло

Тодэ вайытом, Казаньын удмурт кылъя дунтэк курсъёс ужаны кутскизы.



Наверх
Вниз