Ижкар-11 °C
22 -тӥ толшор 2021 Удмуртарня
18+

Можгаысь школалэн музеез «Герои Отечества» ӵектослэн улосвыл люкетаз вормиз

  • 492
  • 0
Можга / Удмуртия
Можгаысь школалэн музеез «Герои Отечества» ӵектослэн улосвыл люкетаз вормиз
Туспуктэм: Удмуртиысь дышетонъя но тодосъя министерстволэн пресс-службаез

Можгаысь А. Н. Сабуров нимо 6 номеро школаысь «Совето Союзлэн Геройёсызлэн – улосчиосмылэн, Брест крепостез утисьёслэн, партизанъёслэн-сабуровецъёслэн» калык музейзы Приволжск федерал округлэн «Герои Отечества» ӵектосэзлэн улосвыл вожвылъяськоназ вормиз. Со сярысь Удмуртиысь дышетонъя но тодосъя министерстволэн пресс-службаез ивортэ.

Вормисьлы музее тӥрлык басьтон понна сертификат сётозы

Школаысь музей 30 арлэсь трос ни Удмуртиысь Быдӟым Атыкай оже пыриськемъёс сярысь ивртодэтэз люкан, эскерон но ужен ужен выре. Отын шер пумиськылӥсь арбериосты утё но возё: гожтэтэн солдат медальон, крезьгур труба, Совето Союзысь Геройёслэн гожтэтъёссы, Александр Сабуровлэн ожгар дӥсез, солэн книгаосыз но трос мукетыз.

Атыкай музъемез утисьёсты тодэ кельтонлы сӥзем «Устоез музей (музей возьматон)» номинацие Удмуртиысь сизьым дышетсконниосысь музейёс пыриськизы: Ижкарысь 14 номеро лицей, Можга ёросысь Уча черкогуртысь школа, Можгаысь А. Н. Сабуров нимо 6 номеро школа, Каракулиноысь школа, Каракулино ёросысь Вятской школа, Ижкарысь промышленностья но экономикая колледж. Ваньмыз музейёс югдытон но экскурсиос радъян ласянь вылӥ быгатонлыкъёссэс возьматӥзы.

Приволжск федерал округлэн «Герои Отечества» мер ӵектосэ Россиын арлы быдэ радъяське. Солэн одӥгез ужпумез – Атыкай музъемез утись батыръёслэн подвигъёссы вылын егитъёсты будэтон.

Округъя люкетэзлы йылпумъянъёсты Атыкай музъемысь Геройёслэсь нуналзэс пусъён улсын 9-тӥ толсуре шараялозы.


Наверх
Вниз