Ижкар+22 °C
11 -тӥ пӧсьтолэзь 2020 Кӧснунал
16+

Нырысетӥзэ Приволжьеын кибершколаез усьтӥзы Ижкарын

  • 337
  • 0
Ижкар / Удмуртия
Нырысетӥзэ Приволжьеын кибершколаез усьтӥзы Ижкарын

Ижкарын нырысетӥез Приволжск федерал округын кибершкола усьтӥськиз, сӥё-дано ужрад 28-тӥ куарусёнэ ортчиз. Со сярысь Удмуртиысь тӧролэн но кивалтэтлэн пресс-службазы ивортэ.

Школа егитъёслы чакламын – компьютер шудонъёсын тунсыкъяськись но олимпиадаосы но ӵошатсконъёсы пыриськыны дась луись 14 ареслэсь бадӟым дышетскисьёслы но студентъёслы. Дышетон ӧръёс пӧлын: кибербезопасностья инъетъёс, киберспортъя Россия понна нимлыко луись удысъёс, трансляциослы реижиссёръёсты но нуисьёсты дасян. Озьы ик школаын дышетскисьёслэсь шудон быгатонлыкъёссэс будэтозы но киберспортъя чемпионатъёслы командаосты дасялозы. Кибершколаын дышетон 1-тӥ коньывуонысен кутске.

Кибершкола кун но ужбергатон ласянь валче вылысь кылдытэмын но ужа. Интыез – муниципал, малпанэз но туала тӥрлык – Удмуртиысь киберспортъя федерацилэн. Озьы школа арняяз вить нуналзэ дунтэк ужа, шутэтскон нуналъёсы гинэ – дун тырытыса

Кибершколаын дышетскыны мылкыд карисьёс али ини милям луонлыкъёсмылэсь трос. Азьланяз та выллем кибершколаосты Ижкарысь ваньмаз ёросъёсын но солэн палэназ кылдытыны малпанъёс вань. Валамон, татын милемлы улосвыл тӧрлыкъёслэн но муниципалитетъёслэн, озьы ик мерлыко партнёръёслэн но Удмуртиын киберспортэз азинтӥсь предприятиослэн юрттэтсы кулэ луоз
Михаил Маргасов, Удмуртиысь компьютер спортъя федерацилэн кивалтӥсез

Удмуртиысь физкультурая, спортъя но егитъёсын ужан политикая министр Александр Варшавский пусйиз, нырысетӥез кибершкола – улосвылын киберспортэз азинтонъя бадӟым ӵектослэн нырысетӥ вамышез.

Удмуртия Россиысь IT-индустрилэн одӥгез шоркарез луэ. Татын тунсыкъяськисьёс пӧлын киберчемпионатъёсты ортчытъянъя умой йылолъёс вань, со пӧлын Калашниковлэн кубокез, кудзэ выльысь улӟытыны кулэ. Со сяна, Удмуртилэн тӧроез министерство азе ужпум пуктӥз – улосвылэ федерал но калыккуспо инлыкен спортъя ужрадъёсты вайыны, со пӧлын киберспорт удысъя
Александр Варшавский, Удмуртиысь физкультурая, спортъя но егитъёсын ужан политикая министр

Кибершколаез усьтон нуналэ Удмуртиысь спортсменъёс Москваысь егитъёсын вожвылъяськизы. Асьмелэнъёс нырысьсэ 1:2 лыдын келязы ке но, со мылкыдзэс ӧз куашкаты, угось школа быгатонлыкъёссэс будэтыны бадӟым луонлыкъёс усьтэ, нош отчы басьтэм туала техника Москваен но, мукет кунъёсын но ӵошатскыны луонлык сётэ. 



Наверх
Вниз