Ижкар+2 °C
20 коньывуон 2019 Воскресенье
16+

Устоосызлы дышетӥсьёслы но школаосын ужасьёслы премиос сётӥзы Удмуртиын

  • 404
  • 0
Ижкар / Удмуртия
Устоосызлы дышетӥсьёслы но школаосын ужасьёслы премиос сётӥзы Удмуртиын
Туспуктэм: Удмуртиысь тӧролэн но кивалтэтлэн пресс-службазы

Дышетӥсьлэн нуналэз азьын, 3-тӥ коньывуонэ, Удмуртилэн тӧроезлэн резиденцияз элькунысь устооссэ дышетӥсьёсты но школаосын ужасьёсты сӥлы каризы. Ужрадэ 112 адями пыриськиз.

Улосвыллэн кивалтӥсез Александр Бречалов вожвылъяськонын вормисьёслы дипломъёс сётӥз. Премиос басьтӥсьёс пӧлын школаосысь но лицейёсысь дышетӥсьёс, пиналъёслы но егитъёслы ватсаса тодон-валанъёс сётонъя ужъюртъёсысь педагогъёс, нылпи садъёсысь визьнодасьёс.

Туннэ Удмуртиын 32 сюрс 638 дышетӥсьёс, визьнодасьёс но педагогъёс – со Росси азьмуртэн пуктэм ужпумъёсты быдэстыны быгатӥсь ӧнерчиослэн бадӟым командазы, со дыре ик ужез сюлэмъя бырйыса. Дышетон удысын мукет сямен уг луы. Сюлмысь ӟечкыласько тӥледыз ӧнерлыко вожвылъяськонъёсын вормонъёсыныды! Со азинсконъёстэс пусъён но, ӧнер нуналдылы кузьым но
Александр Бречалов, Удмуртилэн тӧроез

Удмуртиысь 12 дышетӥсьёс федерал коньдэтысь 200 сюрс манетэн премия басьтозы. Эшшо 100 адямилы элькун быдэн 50 сюрс манет сётоз.

Собере Удмуртиысь Операя но балетъя П. И. Чайковский нимо кун театрын Дышетӥсьлэн нуналэзлы сӥзем кенешон но концерт ортчиз.

Дышетӥсьлэн нуналэз – вань калыклэн праздникез. Нырысь асьмеос дышетскиськомы, собере ваньзэ сое нылпиосынымы выльысь ортчиськомы. <…> Тӥляд тыршеменыды Удмуртия олимпиадаосын вормонъёс басьтэ. Огъя кун экзаменъёсын 100 балл люкамъёслэн лыдзыя элькунмы одӥгез азьмынӥсь улсовыл луэ. Вормонъёс калыккуспо площадкаосын но вань. Со вормонъёсты ыштыны уг яра, азьлань вамышъяны но азинскыны кулэ
Александр Бречалов, Удмуртилэн тӧроез

Удмуртилэн тӧроез «Бадӟым выльдӥськон» ӵектос сярысь вераз, кудӥзлы котькулэсь трос коньдон висъямын. Озьы ик ватсаса тодон-валанъёс сётон удысэз азинтонлы нимысьтыз саклык висъяз, кылсярысь, «Академия «Калашников» но «Кванториум» технопаркъёсты усьтон.

Дышетӥсьёсты ӧнер нуналэнызы озьы ик ӟечкылаз Удмуртиысь Кун Кенешлэн тӧроезлэн нырысетӥ воштӥсез Владимир Невоструев.

Татчы лыктэмын лулынызы но сюлмынызы дышетскисьёссы, будэтэм пиналъёссы понна висё. Тӥляд ужды туж кулэ но пусйымон. Тӥ адямилэн улонэзлы кутскон сётӥськоды
Владимир Невоструев, Удмуртиысь Кун Кенешлэн тӧроезлэн нырысетӥ воштӥсез

Быдэс элькунысь творчествоя коллективъёс дышетӥсьёслы устооссэ номеръёссэс кузьмазы. 

Наши партнеры

Наверх
Вниз