Ижкар+2 °C
20 коньывуон 2019 Воскресенье
16+

Ижкарысь Кузебай Герд нимо гимназиын быдэс ар кыстӥськись «Алангасарлэн пытьыостӥз» шудон кутскиз

  • 257
  • 0
Ижкар / Удмуртия
Ижкарысь Кузебай Герд нимо гимназиын быдэс ар кыстӥськись «Алангасарлэн пытьыостӥз» шудон кутскиз
Туспуктэм: Майя Бывальцева

Ижкарысь Кузебай Герд нимо йӧскалык гимназиын быдэс дышетскон ар ӵоже кыстӥськись «Алангасарлэн пытьыостӥз» квест кутскиз. Со сярысь дышетсконнилэн «ВКонтакте» мерлыко вотэсысь огиназ ивортэмын.

Дышетскон ар ӵоже пиналъёс Удмуртилэн аспӧртэмлыкъёсыныз тодматскозы. Классъёсын толэзьлы быдэ кытчы ке вуылозы, кылэм-адӟемзы сярысь гожъялозы-вералозы

Коньывуонэ быдэстоно ужъёс:

— 1-2 классъёсын дышетскисьёс биологи тодметъя ужъёс быдэстозы. Соос Ижысь зоопарке вуылозы, отысь пӧйшуръёс туспуктэмъёс лэсьтозы. Со туспуктэмъёсын открыткаос лэсьтыны но мышказ пӧйшур сярысь гожтыны кулэ луозы.

— 3-4 классъёсын дышетскисьёс географиен тодматско. Ижысь кыӵе ке ошмесэз шедьтыса, отчы нуись сюресэз картае суреданы, котырысьтыз писпуос, будосъёс сярысь гожтыны, сое утялтонъя ӵектонъёс дасяны кулэ.

— 5-7 классъёсысь пиналъёс, Ижкарысь вить театръёсы вуылыса, артистъёсын тодматскыны, соослэсь интервью басьтыны но ваньзэ сое видеое гожтыны кулэ.

— 8-11 классъёсын дышетскисьёс Ижетӥ турмаршрут кылдыны кулэ. Соя электрон навигатор лэсьтыны чакламын.

Шуркынмонэ пиналъёсты выль уж возьма. Оглом сизьым ӧръя тодон-валанзэс будэтозы: литература, биология, география, история (мынам гимназие), театр, Ижкар но Вормон Нунал.

Ӵектосэз кылдытӥзы удмурт кылъя дышетӥсь Екатерина Перевозчикова но покчиосты дышетӥсь Людмила Юшкова. Соослэн верамзыя, квест пиналъёсты огазеяны, удмуртлык но шаертодон пала кыскыны, тодон-валанзэс юнматыны, ӵектосъёсын ужаны мылкыдзэс ӝутыны кулэ.

Шудонын вормисьёслы кузьымъёс чакламын. Вормисьёс Россиез адӟыны быгатозы, 2-тӥ инты басьтӥсьёс Удмуртиез котыртозы, 3-тӥ интые потэмъёс Ижкарысь тунсыко интыосын тодматскозы


Наши партнеры

Наверх
Вниз