100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Удмуртиысь укмыс пиналъёс шаертодонъя огъяросси олимпиадае пыриськизы Москваын

  • 515
  • 0
Москва / Россия
Удмуртиысь укмыс пиналъёс шаертодонъя огъяросси олимпиадае пыриськизы Москваын
Туспуктэм: Удмуртиысь дышетонъя но тодосъя министерстволэн пресс-службаез

21-25 коньывуонэ Москваысь нылпиослэн но быдэ вуымтэослэн туризмъя но шаертодонъя федерал центрын школа шаертодонъя «Моё Отечество» огъяросси олимпиадалэн йылпумъясь люкетэз ортчиз. Отчы Удмуртиысь Алнаш, Дэбес, Пичи Пурга, Шаркан ёросъёсысь, Ижкарысь, Можгаысь но Сарапулысь укмыс пиналъёс пыриськизы, ивортэ элькунысь дышетонъя но тодосъя министерстволэн пресс-службаез.

Олимпиадалэн йылпумъясь люкетаз пыриськисьёс сётэм темая пичияк эскерон уж лэсьтӥзы, шаертодонъя объект сярысь мадизы но шаертодонъя юанъёслы валэктонъёс сётӥзы.

Олимпиадалы йылпумъянъёсъя Алнаш ёросысь Вуж Утчанысь шоръёзо школаын 8-тӥ классын дышетскись Наталья Чернова «Земляки» номинациын куинетӥ инты басьтӥз

Пусъём, олимпиадалэн заочной люкетаз 700-лэсь ятыр пиналъёс пыриськизы. Йылпумъясь люкетаз Москваысь федерал центре 24 улосвылъёсысь заочной люкетын 100 пала вормисьёс люкаськылӥзы. 

Тодэ вайытом, Ижкарысь М. Т. Калашников нимо техникая кун университетлэн Воткаысь филиалаз дышетскись Елена Виссарионова механизмъёслэн но машинаослэн теоризыя студентъёслэн огъяросси олимпиадаязы нырысетӥ инты басьтӥз.



Наверх
Вниз